Revisione di Edizione diplomatico-interpretativa del Mar, 15/12/2020 - 11:31

I strofa

Ev mescondisc dompna q(ue) mal

non mer. deso qeus ant dig

demi lausengier. p(er) merceus prec

que no(n) puoscant mesclar. lo uostre

cor fin leial uertadier. humil e

franc cortes eplazentier. abmi do
na p(er) messongas comtar.

Eu mescondisc dompna que mal non mer

deso qe·us ant dig de mi lausengier
per merce·us prec que non puoscant mesclar
lo vostre cor fin leial vertadier

humil e franc cortes e plazentier

ab mi dona per messongas comtar

Al primier get perdieu monespar

uier. ol maucion elpoing falcon

lainier. eporton len qeil lor ueia

plumar. Sieu non am mais deuos

lo consirier. Q(ue) de nuill autra auer

mon desirier. Qem don samor nim

reteigna al colgar.

Al primier get perd'ieu mon esparvier
ol m'aucion el poing falcon lainier

e porton l'en q'ei·l lor veia plumar

S'ieu non am mais de vos lo consirier

Que de nuill autra auer mon desirier

Qe·m don samor ni·m reteigna al colgar

Sieu p(er) iogar maset pres del taulier.

ia noi puosca baratar un denier.ni

ab taula presa non puosca i(n)trar. anz

get ades loreirazar derier. Sieu au

tra dompna mais demannienqier.
Mas uos cui am edesir etenc car.

S'ieu per iogar m'aset pres del taulier

ia no·i puosca baratar un denier
ni ab taula presa non puosca intrar
anz get ades lo reirazar derier
S'ieu autra dompna mais deman ni enqier

Mas vos cui am e desir e tenc car

Seigner sia eu del castel parsonier.

et en la tor sion catre parier. q(ue) ialus

lautre nons poscam amar. anz ma

ion ops totz temps arbalestier. Met

ge siruen egaitas eportier. sieu anc

aic cor dautra dona amar.

Seigner sia eu del castel parsonier

et en la tor sion catre parier
que ia l'us l'autre nons poscam amar
anz m'aion ops totz temps arbalestier
Metg'e sirven e gaitas e portier
s'ieu anc aic cor d'autra dona amar

Ma dompnam lais p(er) autre caualli
er. epois non sai aq(ue) maia mestier. e

faillam uens qan serai sobre mar.

en cort de rei me batan li portier. et
en cocha fassal fugir primier. Si
nous menti cel qeus anet co(n)tar.

Ma dompna·m lais per autre cavallier
e pois non sai a que m'aia mestier
e failla·m uens qan serai sobre mar

en cort de rei me batan li portier
et en cocha fassa·l fugir primier
Si nous menti cel q'eus anet contar.

Signe grua et aiglon blanc enier. vol

ria lo malmudat graillmier. Dias de
baten q(ue) non puosca uolar.

Sign'e grua et aiglon blanc e nier
volria lo mal mudat graillmier

Dias de baten que non puosca volar

Fals enueios fementit lausengier.

Pois abmidonz mauetz mes destor
bier. beus lauzera q(u)e laissasetz estar.

Fals e nueios fementit lausengier

Pois abmidonz m'avetz mes destorbier
beus lauzera que laissasetz estar.