 |
Bernat de uentedorn. QUant erba uertz e fue- lha par. e flors brotono(n) per uerian. el rossinhol(s) autet e clar. leua sa uotz e mou son chan. ioy ai de lieis e ioy ai de la flor. ioy ai de me e de midons maior. uas to- tas partz suy de ioy claus e se- inhs. mas sel es ioys que totz los autres uens. Ben deuri hom dona blasmar. quan trop uay son amic tarzan. que longua paraula damar. es grans enueitz e par denian. q(ua)- mar pot hom e far sembla(n) alhor. e gen mentir lai on noual au- tor. bona domna ab sol q(ua)mar midenhs. ia per mentir ieu no serai atenhs. |
 |
Merauil me cum puesc durar. que nolh demostre mon talan. quan ieu uey midons ni lesgar. li siey belh huelh tan ben estan. per pauc me tenc q(ui)eu en ues lieys no cor. si feira ieu si no fos p(er) paor. q(ua)nc noui cors miels talhatz ni depeinhs. ad ops damar sia tan greus ni leinhs. Sieu saubes la gent enq(ua)ntar. miei enemic foran enfan. que ia hom no pogra pessar. res que a uos tornes a dan. adoncs uir ien per lezer la gensor. los si- eus belhs huelhs e sa fresca color. e baizeralh la boca de totz seinh(s). si que dos mes hi paregra lo seng(s). Ai las cum muer de cossirar. q(ue) manhtas uetz ieu cossir tan. q(ue) lairon me poirian emblar. ia no sabria dir que fan. per dieu amors bem trobas uensedor. ab paucs damics e ses autre so cor. quar una uetz tant mido(n)s nom destreinhs. enans q(ui)eu fos de dezirier e(s)teinhs. Tant amidons ela tenh car. e tant la dopt e la reblan. que de me no lauze preyar. ni re nolh dic ni nolh deman. pueis sen mo mal e suefre ma dolor. e quan li plai fai men ben (et) honor. e q(ua)n li plai hien sai esser sufreinhs. per so qua lieis no(n) paresca blas- teinhs. Ben la uolgra sola tro- bar. que dormis on fezes se(m)bla(n). per q(ui)eu lembles un dous baizar. pus no ualh tan que lolh dema(n). per dieu dona pauc esplecham damor. uai sen lo temps e p(er)de(m) |
 |
lo mellor. parlar pogram ab cu bertz entreseinhs. e pus noi ual arditz cors ualhay geinhs. Messatgier uai e nomen prezes meinhs. sieu d[…][1]anar uas mido(n)s suy temens. [1] Testo llegibile.
|