 |
| En peirols[1] Tuit cil qem pregon qieu chan. uol gran saubesson lo uer. sieu (n)[2]ai aize ni lezer. chantes qi chantar uolria. qeu no(n) sai ni chan ni uia. pos p(er)dei ma beneanza. p(er) ma mala destina(n)za |
 |
| Ai las con muer de talan. qeu nom dorm mati ni ser. anz la nueg can uauc iazer. lo rossigniols chante cria (et) ieu qi chantar solia. muer de(n)uei e de pezansa. cant aug ioi ni alegranza. |
 |
| Amors beus iec amondan cautre pronoi puesc auer. ia mais baizar ni tener. nous qier cadoncs uos p(er)dria. ben es fols qin uos se fia. cab uostra bella semblanza maues trag ses desfizanza. |
 |
| Damors uos puesc ieu dir aitan. qi ben la pogues auer. res non la pogra ualer certas mout fon bon amia. mas nom duret mas cun dia. per qels fols qi ses fermanza. met en amor sesp(er)anza. |
 |
| Lemozi a deu coman. leis qi nom uol retener. oi mais pot il ben saber. qe uers es so q(ue)il dizia. qen terrestragna niria. pos dieus ni fez ni fianza nomi ual ni acordanza. |