| Ber. de ue(n)- TUit sels quem tedorn. pregan quieu chan. uolgran saubesson lo uer. sieu nai aize ni le- zer. chantes qui chantar uolria. quieu non sai ni cap ni uia. pus perdei ma benenansa. per ma mala destinansa. Ai las cum muer de talan. q(ui)eu non dorm mati ni ser. neus la nueit q(ua)n uau iaser. lo rossinhol chant a cria. (et) ieu q(ui) chantar so- lia. muer denuey e de pezansa. quan uei ioy ni alegransa. |
|
| Amor(s) ma mes en soan. e tornat a non chaler. e sieu la pogues te ner. per crist ben feira feunia. ma(s) dieus no uol quamor sia. so don hom prenda ueniansa. ab espaza ni ab lansa. Amor(s) beus gieth a mon dan. quautre pro noi puesc auer. iamais blandir ni temer. nous uuelh qua doncs uos p(er)dria. benes fols quien uos se fia. q(ua)b uostra belha semblansa. mauetz trait ses desfiansa. Damor uos puesc dir aitant qui ben la pogues auer. res no(n) la pogra ualer. per crist molt fo bonal mia. mas nom duret mas un dia. per ques fols qui ses fer- mansa. met en amor sesperansa. Lemozin a dieu coman. lieis qui nom uol retener. huei mais pot ilh ben saber. que uers es so quil dizia. quen altra terra(m) mor- ria. pus dieus ni fes ni ferma(n)sa. no mi ual ni acordansa. |