 |
| Jufre rudel deblaia. [q] Ant lo rosrnol el foilhos. dona damor enquer empren. e mou son chant gausent ioios. e remira sapar souen. el riu son clar el prat son gen. pel nouell deport que regha. me uen alcor fin ioi iazer. |
 |
| Daquestamor son tancochos. que cant eu uau ues leis cor ren. ueiaire mes car ie noi sos. mentorn e q(ue)la man fugen. emon caual icorr tan len. greu er cuymais iatenha. si amor no(n) lem fai remaner. Daital dona son cobeitos. acui non aus dir mon talan. ans can remire sas faissos. tot lo cor me uai esperden. eautra iatan dadimen. que laus diz que p(er)seu me tenha. pois daus non laus merce querer. |
 |
| Ay com son soi dit saboros. e soi faitson douz e plazen. canc no nasquet sai entrenos. neguna caia cors tan gen. gaia es e fresc e plazen. e non cre gensor sensenha. ni non ui hom ab tan plazer. Amor alegrem part de uos. per so car uau mon miells queren. eson daytan auenturos. quenquer naurai mon cor iausen. la mer ce de mon bel quiten. quin uos emapel em denha. e ma tornat em bon esper. |