| Bernartz de uentedorn. TUich cill qem pregon q(ue)u chan. Uolgra saubesson lo uer. Sieu nai aize ni lezer. chante qui chantar uolria. Qieu non sai ni cham ni uia. pois perdei ma benananssa. p(er)ma ma la destinanssa. Ai las cum muor detalan. Qieu non dorm maitin ni ser. Q(ue) la nuoich q(ua)n uau iazer. lo rossignols chanta ecria. et eu que chantar solia. Muor denoi ede pesanssa. car aug ioi ni alegran- sa. Damor uos dic ben aitan. Qui ben la saubes tener. res plus non pogra ualer. p(er) dieu mout fon bon amia. Mas nom duret mas un dia. p(er) qes fols qui ses fermanssa. Met en amor sesperanssa. Amors ma mes en soan. etornat a non caler. e sieu lagues en poder. dic uos qien feira feunia. Mas sill non uol camors sia. res don ho(m) pre(n) |
|
| da uenganssa. ab colp despa ni de lanssa. Amors eus prec de mon dan. cau- tra pro noi puosc auer. ia mais blandir ni temer. nous qier cado(n)cs uos p(er)dria. Mout es fols qin uos se fia. cab uostra falsa semblanssa. Mauetz trahit en fianssa. Pero p(er) un bel semblan. Sui en qer en bon esper. Mon conort dei grat saber. cades uol qieu chant e ria. e dic uos que sill podia. eu seria reis de franssa. car al plus quit pot me nanssa. Lemozin a dieu coman. lieis que nom uol retener. Q(ue)ra pot ill ben saber. Ses uers aco quil dizia. Qen terra estraigna niria. pois dieus ni fes ni fianssa. no mi poc far acorda(n)- sa. No mo tenc a uilania. Suoi mais ai bon esperanssa. pois ill lai re no menanssa. Romieu man que p(er) mamia. e per lui farai semblanssa.Qieu ai sai bon esp(er)anssa. |