| Peire uidal | Peire Vidal |
| I | I |
| Lo dus te(m)ps depascor. ab sadousa uerdor. n os adutç fuogll eflor. dediuersa color. p(er) ce tut liamador. son gai ecantador. m asieu ceplanc et plur. cui gio nom asabor. |
Lo dus temps de pascor ab sa dousa verdor nos adutç fuogll’e flor de diversa color, per ce tut li amador son gai e cantador mas ieu, ce planc et plur, cui gio no m’a sabor. |
| II | II |
| Atutç miclam segnor. demidontç edamor. acest dui traidor. carmi fisaua elur. mifan uiure adolor. p(er)ben ep(er) amor. caif ac alagensor. qenom ual nim socor. |
A tutç mi clam, segnor, de midontç e d’amor. Acest dui traidor, car mi fisava e lur, mi fan viure a dolor per ben e per amor c’ai fac a la gensor, qe no·m val ni·m socor. |
| III | III |
| Las uiure cem ual. car non uei agiornal. mo nfin gioi natural. elieg alfenestragll. blan c efreic aitretal. com neu denadal. sicam dui peregal. mesuren per cabal. |
Las! Viure ce·m val? Car non vei a giornal mon fin gioi natural e lieg, al fenestragll blanc e freic aitretal com neu de Nadal, si c’amdui per egal mesuren per cabal. |
| IV | IV |
| Non uis drut tant lial. cepiet oaia sal. cieu port amor coral. alieis demi non cal. enans dic qep(er)al. nomairo mortal. sipersom fai mal. pecat fai criminal. |
Non vis drut tant lial ce piet o aia sal, c’ieu port amor coral, a lieis de mi non cal. Enans dic qe per al no m’a iro mortal; si per so·m fai mal, pecat fai criminal. |
| V | V |
| Puois fom andui enfan. lai amada elablan. eluai mamor doblan. ecascun giorn dela n. esinostai enan. amor ebelsenblan. puois er nuill edenan. qe naia bon talen. |
Puois fom andui enfan, l’ai amada e la blan; e·l vai m’amor doblan e cascun giorn de l’an. E si no stai enan amor e bel senblan, puois er nuill e denan qe n’aia bon talen. |