| B. de ue(n)tador(n) Estat ay com hom esp(er)dutz. p(er) amor en lonc estatie. mas eram suy reconogutz. quieu auia fag folatie. ca totz era de saluatie. car mera de chan recrezutz. e cum yeu pus estera mutz. pusfeyra de mon dampnatie. A tal domna mera rendutz. canc nom aymet de coratie. e soy me tart ap(er)seubutz. q(ue) trop ai fag lonc badatie. mas ieu segray son uzatie. de cuy ]co(n)[[1] q(uim) uuelha seray drutz. e trametray p(er) tot salutz. et auray mo(n) cor uolatie. [1] Espunto dal copista.
|
| Truans uuelh esser p(er) samor. e coue cab leys ap- re(n)da. p(er)o no uey domneyador. q(ue) miels demi si ente(n)da. mas bel mes cap liey co(n)te(n)da. cautra nam pus bele melhor. q(uem) ual e maiudam socor. em fay de samor esmenda. Aq(ue)sta ma fag tan donor. e platz li ca m(er)cem pre(n)da. e prec la del seu ay mador. q(ue)l be q(uem) fara nom uenda. nim fassa far lo(n)ga te(n)da. que lonc t(er)minim fay paor. quieu no uey maluat donador. cab lonc respeit nos defenda. |
| Ma donam fo al come(n)sar. fra(n)q(ue) de bela companha. p(er) so la dey yeu mays amar. q(ue) sim fos fere estranha. q(ue) dretz es q(ue) donas franha ues seluy que a cor da- mar. q(ui) trop fay son amic preiar. dretz es q(ue) merces li sofra- nha. Dona pe(n)sem del enganar. lauzengiers cuy dieu con- tranha. q(ue) tan co(m) hom lur pot emblar de ioy aytanz e(n) gaza- nha. e q(ue) iaus no sen planha. lo(n)cx. tems pot nostramor du- rar. sol can locx er uulham parlar e can locx no(n) er rema- nha. |
| Dieus laus enq(ue)r say yeu chantar. mal gratz naya na dos esgar. e sel ab cuy sa companha. car ieu ies nous puesc oblidar. ans uos am eus uuelh eus ten car. car metz de bela co(m)panha. |