| Bernardus Est ai cum hom esp(er)duç. P(er)amor un lonc estage Mas aram sui reco(n)noguç. Car aura faiç folage. Qa toç era de saluage. Caissim fos de chant remasuç Et on eu plus estera muç. Mais fera de mon da(m)nage. A tal do(m)na mera renduç. Qanc no ma met de corage. Esui men tart apercebuç. Qar trop ai fait lonc badage Oi mai segrai son osage. Esserai cui qeus uollaç druç. Etrametrai p(er) tut saluç. Et aurai mais cor uolage. Truans uoil esser p(er)samor. Car dreich es cab leis aprenda. P(er)o no sai doneiador Qe meins de mi sesi en tenda. Mais bel mes cab lei contenda. |
|
| Qaltra nam plus bella emillor Qem ual emaiut em socor Em fai de samor emenda Aqesta ma fait tant donor. Qe plaç li qe merce(m) prenda. E prec la de son amador Qel ben qel fara nol uenda. Nim faça far lonc attenda. Qe loncs termini fai paor. Qanc non ui maluas donador Cab lonc despit nos defenda. Ma do(m)nam fa alcomençar Franc (et)de bona compagna. Per ço la dei eu mais amar Qe sem fos mala (et)estragna Car dreich es qe do(m)nas fragna. Uas celui qi a cor damar. Qi trop fai son amic preiar. Dreiç es q(a)mic li sofragna. Do(m)na pessem de en ianar. Lausenger cui deus contragna. Cai tant qant hom lor pot emblar. De ioi ai tant sen gadagna. Sol ab qe iaus no(n) sen plangna. Pot lonc te(m)ps nostra mor durar. Sol qant lox er uollam parlar. Eqant lox no(n) er remagna. |