 |
Bernartz del uentadorn. Estat ai com hom esperdutz. Per amor un lonc estaie. Esoi men tart aperseubuz. Quieu auia fag follatge. Catotz era de salua- ie. Car mera de chan recrezutz. Et on eu plus estera mutz. Mais fera de mon damaie. A tal domna mera rendutz. Qanc noma- met de coraie. Mas er men soi reconogutz. Que trop nai fag lonc badaie. Oimais seg- rai son usaie. Eserai cui quem uoilla drutz. Emandarai per totz salutz. Et aurai mo(n) cor uolaie. Ma domnam fon al comensar. Franqe de bo- na compai(n)gna. Per aiso lam dei mais amar. Que sim fos fere straingna. Qar dretz es qe domnas fraingna. Uas cellui que a cor dam- ar. Qui fai trop son amic preiar. Dretz es ca- mics li sofraingna. Domna pensem del enganar. lausengiers cui dieus contraingna. Cai tant quant hom lor pot emblar. De ioi aitan sen gazaingna. Sol que negus no sen plaingna. Pot lonc tems nostramors durar. Sol qua(n)t er locs uo- illam parlar. Equan no(n) er locs romaingna. Truanz uoill esser per samor. Ecouen cab |
 |
lei aprenda. Emembrel del sieu amador. Quel be(n) quem fara noill uenda. Nim fasa far longa tenda. Que lonc terminim fai paor. Qanc no(n) ui maluas do(n)nador. Cab lonc respeig nos defenda. Ma domna(m) fag tan donor. Sil plai casa merce(m) prenda. Per so non sai domneiador. Que me(n)z de mi si entenda. Mas bel mes cab leis co(n)te(n)- da. Cautra nam plus belle meillor. Quem ual emaiudem socor. Em fai de samor esmenda. Deu lau qera sai chantar. Malgrat naia na dosescar. Esill acui sa compaingna. Fis iois ies nous posc oblidar. Anz uos ameus uoill eus teing car. Car mes de bella (com)paingna. |