| Bernardus Lo reissegnol ses baudeia. Iosta la flor el uer chan. E pres men aital enueia. Qeu non posc mudar no(n) chan. Mais no(n) sai de qe ni de cui. Car eu non ai me ni autrui. Mas faç esforç ca sai faire. |
|
| Bos uers pos no(n) sui amaire. Plui a damor qi domneia. Ab orgoil (et)ab enian Qe cil qi tut iorn merceia Ia ni uan trop humilian Ca pena uol amor celui Qes francs (et)fis si com eu sui. E ço ma tolt tut mon afaire Qeu anc no(n) fui fals ni trechaire. Aissi com lo ram se pleia Lai ol uent lo uai mena(n)t. Era ues lui qem gerreia. Aclis p(er) fairel seo coman. Mas aiçom seca (et)destrui. Qar amallegnai redui Ont mos oils li don attraire. Sautre tort mi sap retraire. Nuls hom non diç qe sol ueia. Sos bels oils el son semblan Qe cuit ia qella uerdeia Fellon cor ni mal talan Mas laiga qe suau ses dui Es pes de cella qe brui. En ian fai qi de bon aire Sembla (et)non oes gaire. De tut loc on ella steia. Mi destoil en uau longnan. E p(er) ço qeu nolla ueia. Claus mos oil li pas de nan. Mas asson ops mes gai em desdui Esamic non esm ambui. Daltramor no(n) mes ueiaire. Qe iamamais mon cor ses claire. Tut iorn me ten em pladeia. |
|
| Em … trouan Et qant ill … feoneia Uer mi uersa tot lo dan Gem gaba de mi es desdui E del seu tort me co(n)clui E ço es ben uer de laire Cuidan qe tot sion sos fraire. |