| Lo te(m)ps aqeu no(n) chante mais. Ni saubi far contenimen. Ara nom tem pluia ni uen. Tan soi intratz en cosire. Con pogues bos mot assire. En e(n) son chai aperit. Seu tot no(n) uei flor ni foila. Mielz mi ua cal te(m)ps florit. Car lamor qeu plus uolc mi uol. TOt mi desconosc tan bem uai. Eson sabes en ]eu[[1] cu eu mi(n)ten. No(n) auses far mon ioi paruen. Del mielz del mon soi iausire. [1] Espunto dal copista.
|
|
| E seu sai chantar ne rire. Tot mes p(er) lei esclarit. Ma dona prec qem acoilla. E poscam ma en reqit. No sia dona qi tol. Ie mon tan bon amic no(n) ai. fraire ni cosin ni paren. Qe sim uai mon ioi en qeren. Qinz en mo(n) cor nol nazire. E seu mi uolc escondire. No sen teigna p(er) trait. Non uol lausengier mi toilla. Samor nim leu ental crit. Don eu mi lais morir de dol. Ab sol lobel semblan qem fai. Can poc ni ai ies lo cosen. Ai tant de ioi q(ue) sonc mo(n) sen. Caisim tormen uolue emuire. E sai ben can la remire. Canc hom belezon no(n) uit. Qe ies uer mi nos orgoilla. Amors ainz nai lo chausit. Dai tan can mars clau ni reuol. |