| I | I |
| Lonc tems a queu no chantei mai ni saubi far captene men. era no tem plueia ni uen. tan sui intratz en cossire com pogues bos motz assire. en un s… apeditz si tot no par flor ni fuei lla. miels me ua quel tems florit can lamors … |
Lonc tems a qu’eu no chantei mai ni saubi far captenemen. Era no tem plueia ni ven, tan sui intratz en cossire com pogues bos motz assire en un s… apeditz, si tot no par flor ni fueilla, miels me va qu’el tems florit, can l’amors … |
| II | II |
| Tot me desconosc tam bem uai e som … maten ni auses far mon p(er)uen del miels del mon… fui bo sufrire era men tenc per gueritz. qe ren non sen mal q(ue)m duella sima iois p(re)s esaizitz no sai sim son aquel qim sol |
Tot me desconosc, tam be·m vai; e s’om … m’aten, ni auses far mon perven! Del miels del mon… …fui bo sufrire, era m’en tenc per gueritz, qe ren non sen mal que·m duella. Si m’a iois pres e saizitz, no sai si·m son aquel qi·m sol! |
| III | III |
| El mon tam bon amic non ay. fraire ni cossin ni paren q(ue) sim uai mon ioy enquiren. q(ui)ns emon cor nol nazire eseu men uuell escondire nomen teinatz p(er) traitz non uuil lausengier macuella nin moua tals critz. p(er)qeu men lais morir dedol |
El mon tam bon amic non ay, fraire ni cossin ni paren, que si·m vai mon ioy enquiren, qu’ins e mon cor no·l n’azire. E s’eu m’en vuell escondire, no m’en teinatz per traitz. Non vuil lausengier m’acuella ni·n mova tals critz per q’eu m’en lais morir de dol. |
| IV | IV |
| Cors afresquet cuindet egay. quanc hom no … huils am oros boca rizenz genc(er) q(ue)u no saidire. deleis no ai res adire mas q(ue) p(re)ses tan dardimen. cuna noit lao es despuolla. memeses en luec damic com fezes dels bratz latz al col. |
Cors a fresqu’et cuind’et e gay qu’anc hom no … huils amoros, boca rizenz, gencer qu’eu no sai dire. De leis no ai res a dire, mas que preses tan d’ardimen c’una noit la o es despuolla, me meses en luec d’amic, com fezes dels bratz latz al col. |
| V | V |
| Acar nosai lai on il iai. si q(ue)remires son cors gen. acals obs mafait de nien. alas com muer dedesire. uol me doncs midons aucire. car lam … faillitz. aram faza q(ue)las uuilla. trosos talens naia complitz. q(ue)u nomen planc sitot men dull. |
A! Car no sai lai on il iai, si que remires son cors gen, a cals obs m’a fait de nien? A, las! Com muer de desire! Vol me doncs midons aucire car l’am? … faillitz? Ara·m faza qu’ela·s vuilla tro sos talens n’aia complitz, qu’eu no m’en planc si tot m’en dull. |