| Bernat de ue(n)tedor(n) | Bernat de Ventedorn |
| I | I |
| PEl dols chant quel rocinhol(s) fai. la nueg quan mi son adurmitz. reuelh de ioi totz esbaitz. pensius damor e cossirans. quaisso es mos mi elhers mestiers. quanc sei amei ioi uoluntiers. (et) ab ioi comen sa mos chans. |
Pel dols chant que·l rocinhols fai, la nueg quan mi son adurmitz, revelh de ioi totz esbaitz, pensius d’amor e cossirans; qu’aisso es mos mielhers mestiers, qu’anc sei amei ioi voluntiers, et ab ioi comensa mos chans. |
| II | II |
| Qui sabia lo ioy(s) q(ui)eu nai. nel iois fos tals quen fos auzitz. totz autres ioys fora petitz. uas que lo mieus ioys fora grans. tals sen fai conhtes e parliers. e cui desser rics e sobriers. de fi- namor q(ui)eu nai dos tans. |
Qui sabia lo ioys qu’ieu n’ai, ne·l iois fos tals que·n fos auzitz, totz autres ioys fora petitz vas que lo mieus ioys fora grans. Tals se·n fai conhtes e parliers, e cuid’esser rics e sobriers de fin’amor qu’ieu n’ai dos tans! |
| III | III |
| Souen li remir son cors guai. cum es ben faitz e gent chauzitz. de cortezia e de bels digz. e si de plus mi pren talans. ops lau- ria us ans entiers. si uolia esser uertadiers. tant es corteze be- nestans. |
Soven li remir son cors guai, cum es ben faitz e gent chauzitz, de cortezia e de bels digz, e si de plus mi pren talans, ops l’auria us ans entiers, si volia esser vertadiers, tant es cortez’e ben estans. |
| IV | IV |
| Domna uostrom sui e serai. al uostre seruizi guarnitz. uostro(m) sui iuratz e pleuitz. e uostres era des enans. e uos es lo meus ioys premiers. e si seretz uos lo derriers. tan quan la uida mer durans. |
Domna, vostr’om sui e serai, al vostre servizi guarnitz. Vostr’om sui iuratz e plevitz, e vostres era des enans. E vos es lo meus ioys premiers, e si seretz vos lo derriers, tan quan la vida m’er durans. |
| V | V |
| Sels que cuion q(ui)eu sia sai. no sabon ges cum lespe- ritz. es de lieys priuatz e aizitz. si tot lo cors senes lonhans. sap- chatz lo melhiers messatgiers. quai de lieys es mos cossiriers. quem recorda sos belhs sembla(n)s. |
Sels que cuion qu’ieu sia sai, no sabon ges cum l’esperitz es de lieys privatz e aizitz, si tot lo cors s’en es lonhans. Sapchatz, lo melhiers messatgiers qu’ai de lieys, es mos cossiriers, que·m recorda sos belhs semblans. |
| VI | VI |
| No sai quoras mais uos ueirai. pus men uau iratz e marritz. p(er) uos me sui del rei partitz. e prec uos que nom sia dans. quieu se- rai en cort prezentiers. entre do- nas e caualiers. francs e dous (et) humilian(s). |
No sai quoras mais vos veirai; pus m’en vau iratz e marritz. Per vos me sui del rei partitz, e prec vos que no·m sia dans, qui’eu serai en cort prezentiers entre donas e cavaliers, francs e dous et humilians. |
| VII | VII |
| Ugonet cortes me(s)- satgiers. cantatz ma canson uo- luntiers. ala reyna dels norma(n)s. |
Ugonet, cortes messatgiers, cantatz ma canson voluntiers a la reyna dels Normans. |