| I | I |
| En cossir (et) en esmai. son dunamor q(ue)m lassa emte. que tan nouau nisai ni lai. cades nom teinha eson fre queramad at talen. queu enqueris si podia. tal que sil rei lenqueria. auria fayt gran ardimen |
En cossir et en esmai son d’un’amor que·m lassa e·m te, que tan no vau ni sai ni lai c’ades no·m teinha e son fre, qu’era m’a dat talen qu’eu enqueris, si podia, tal que, si·l rei l’enqueria, auria fayt gran ardimen. |
| II | II |
| Alas chaitiu … sai lo mal q(ue)u trai ni eu non laus clamar … fol nesci ben as pauc de sen. quela noqe tamaria p(er)nem ep(er) drudaria. cans not laises le uar al uen. |
A, las! Chaitiu! … … … sai lo mal qu’eu trai ni eu non l’aus clamar … Fol nesci! Ben as pauc de sen, qu’ela no qe t’amaria per nem e per drudaria, c’ans no·t laises levar al ven. |
| III | III |
| Doncs pus atresim moria... que men sai eu oc semp(re)l diria no f...si sabia a un tenen. q(ue) fos tot espainha mia mais uuil morir de feunia … uenc en pessamen. |
Doncs, pus atresi·m moria, ... que m’en sai? Eu oc sempre·l diria. No f... si sabia a un tenen que fos tot’Espainha mia; mais vuil morir de feunia … venc en pessamen. |
| IV | IV |
| Ia p(er)mi nosabra mai. ni non li dira hom p(er)me. ni no uuil dir daquest plai. ans p(er)ga dieu qui p(ro) mente. qui eu nom p(re)tz fader un pare(n). car mout es gran cortesia camors p(er)midons maucia. mas aleis no(n) estera gen. |
Ia per mi no sabra mai ni non li dira hom per me, ni no vuil dir d’aquest plai, ans perga Dieu qui pro m’en te; qu’ieu no·m pretz fader un paren, car mout es gran cortesia c’amors per midons m’aucia; mas a leis non estera gen. |
| V | V |
| Ia messatgier nol trametrai. ni nosabra zo que(m) naue q(ue) deuin ar pog(ra) hui mai. qui eu muir p(er)samor mas sai be. q(ue)la sab letras (et) enten. esai quela cantaria. los motz esaleis placia. ligis los al meu saluamen. |
Ia messatgier no·l trametrai ni no sabra zo que·m n’ave, que devinar pogra hui mai; qui eu muir per s’amor, mas sai be qu’ela sab letras et enten, e sai que la cantaria los motz, e s’a leis placia, ligis los al meu salvamen. |
| VI | VI |
| Nuill ioi ab lomeu noseschai. qui madona gara ni ue. ab sol lo bel semblan quem fai. madona mo(n) cor em reue. esim duraua lon iamen. sobre sains li iuraria. que mais el mon ioy no sia mas alpartir art (et) ensen. |
Nuill ioi ab lo meu no s’eschai, qui ma dona gara ni ve, ab sol lo bel semblan que·m fai ma dona mon cor e·m reve; e si·m durava loniamen, sobre sains li iuraria que mais el mon ioy no sia; mas al partir art et ensen. |