| Bernart daue(n)tador. No es merauilla sieu chan Miellz d(e) nuilla aultre chantador. Q(ue) pl(us) me tral cor ues amor. Emeillz soi fach ason scemblan. Cors ecor e saber esen. Eforch epoder ihai mes Sim tira ues amors lo fres. Qen ues autra part no aten. Aq(ue)sta mors mi fer ta(n) gen Alcor duna fina douchor. Cenuesz muor lo ior d(e) dolor Ereuio d(e)ioi altras cen. Tan es lomals d(e)dousz scemblan Q(ue) mais ual mos mals qautre bes Epuoi(s) lo mals aita(n) bo(s) mes Moult uolralbes aprob lafan. Per bona fe eses engan Am la pl(us) bel le la meillor. Delcor sospir. edels oillz plor. Q(ue) ta(n) lam ieu p(er)q(ue) ihai dan. Eq(ue)n puois als qamors mepren Ela ca(r)cer en q(ue) mha mes No pod claus obrir fors m(er)ces. E d(e)q(ue)lla noi truob nien Qant ieu lauei be mes paruen Als oillz. aluis. alacolor. Qaissamen trembli d(e) paor Con fa la foilla (con)tralue(n). Nohai d(e)ssen p(er)un enfan. Aissi soi damo(r) entrepres. Edhom q(ue)s aissi (con)qes Pot do(m)na auer almosna gran. |
|
| Ben uolgra fosso trian Entrels fals li fin amador Elas falsas eill t(ri)chador Portesso cornz elfro(n) d(e)nan. Tot laur d(e)l mo(n)d etot largen. I uolgra hauer dat sieu lhagues Sol q(ue) mado(m)na conogues Tan be co(m) ieu lam finamen. Ben es mortz q(i) damor nosen Alcor qalq(ue) dol cha sabor. Eq(ue) uiureis ses ualor Mais p(er) enoi far alagen. Ia damnidie(us) nemazir tan Q(i)eu ia pueis uiua ior(n) nemes Pois ia damor serai repres. Ni damar no haurai talan. Bona do(m)na pl(us) no d(e)man Mas q(ue)m pren dasz per s(er)uidor. Q(i)eus s(er)uirai co(m) bo(n) seignhor Cossi q(ue) d(e)lgierdo man. Ueus mal uostre comandamen. Fra(n)ch cors humils. gai ecortes Ors ne leon no esz uo(s) ges Q(ue) mauciasz sauo(s) meren. |