| Bernartz de uentadorn. NOn es merauilla seu chan. Meilz de nuil autre chantador. Qe plus metral cor uas amor. Emielz son fatz al sieu coman. Cor eco- rs esaber esen. Eforse poder iai mes. Sim ti- ra uas amor lo fres. Que ues autra part no(m) ate(n). Ben es morz qui damor no(n) sen. Al cor qal que dousa sabor. Eque ual uiuers ses ualor. Mas per enoi far ala ien. Ia domer dieus nomair tan. Quieu ia puois uiua iorn ni mes. Puois ia de uos[1] serai mespres. Ni da- mor no(n) aurai talan. Per bona fe eses ian. Am la plus belle la meillor. Del cor sospir edelz oillz plor. Car tan lam eu per quei ai dan. Eu non puosc mais samors me pren. Elas car sers en que mames. No(n) pot claus obrir mais merces. E de merce noi trob nien. Aquest amors mi fer tan ien. Al cor duna dousa sabor. (Che)[2] Cen ues muor lo iorn de dolor. Ereuiu de ioi autras cen. Ben es mos mals de bel semblan. Car mais ual mos mals cautre bes. Epuois mos mals aitan bons mes. Bons er lo bens apres lafan. Ai dieus car si fosson trian. Dentrels fals li fin amador. Eil lausengier eil trichador. Por teson cornz el fron denan. Tot laur del mon etot larien. I uolgrauer dat sieu lagues. Sol que ma domna conogues. Aissi com ieu lam finamen. Quant ieu la uei ben mes paruen. Allz oillz al uis ala color. Car aissi tremble de paor. Co(m) fai la fuoilla contral uen. Non ai de sen per un enfan. Aissim sen d’amor entrepres. Edo- me caisi es conques. Pot domna auer al - mosna gran. Bella domna ren nous deman. Mas quem prendas per seruidor. Quieus seruirai con bon seignor. Con que puois del guiardon man. Ueus mal uostre comandame(n). Fra(n)cs cors humils gais ecortes. Ors ni leons no(n) es uos ies. Que maucias sa uos miren. |