| Bernartz deuentedorn. NOn es merauilla sieu chan. Mieills de nuill autre chantador. Que plus mi tral cor uas amor. Emieills soi faitz a son coman. Cor ecors e saber esen. E- |
|
| forssa epoder hi ai mes. sim tira uas a mor lo fres. Que uas autra part non aten. Ben es mortz qui damor non sen. Alcor cal que doussa sabor. Eque ual uiures ses ualor. Mas p(er) enoi far alagen. Ia do(m)p ne dieus nomazir tan. Qieu ia puois uiua iorn ni mes. Pos que denoi serai mespres. Ni damor non aurai talan. Per bona fe eses engan. Am laplus bella elameillor. Del cor sospir edels huoills plor. Car tant lam p(er) qieu hi ai dan. Eu non puosc mais samors mi pren. Elas carcers enque ma mes. Nom pot claus obrir mas merces. E demerce non trob nien. Aquest amors mi fer tant gen. Al cor du na doussa sabor. Cen uetz muor lo iorn de dolor. Ereuiu deioi autras cen. ben es mos mals debel semblan. Car mais ual mos mals cautre bes. Epuois mos mals aitant bos mes. Bons er lo bens aprop lafan. Ai dieus car si fosson trian. Dentrels fals li fin amador. Eil lausengier eil tricha- dor. Portesson corns el front denan. Tot laur del mon etot largen. I uolgra auer dat sieu lagues. Sol que ma dompna conogues. Aissi cum ieu lam finamen. Qand ieu lauei be mes paruen. Als hu- oills al uis ala color. Car aissi tremble de paor. Cum fai la fuoilla contral uen. Non ai desen p(er) un enfan. Aissim sent damor entrepres. Edome ques aissi co(n)- ques. Pot dompna auer almorna gran. Bella dompna als nous deman. Mas qe(m) prendatz p(er) seruidor. Qieus seruirai cu(m) bon seignor. Cum q(ue) puois del guizerdon |
|
| man. Ueusm aluostre comandamen. francs cors humils gais ecortes. ors ni leons non etz uos ies. Que mauciatz sa- uos mi ren. |