 |
| B. de ue(n)tador(n). Can la dossaura uenta. deues nostre pais. m(e)s ueiaire quieu senta. odor de paradis. p(er) amor de la genta uas cuy yeu soi aclis. on ai messa mententa. e mon coratia sis. car de totas partis. mon cor tan matalenta. |
 |
| Si lo ioi q(uem) prezenta. sos esgartz el clar uis. ia res pus nom cossenta. sim deu au(er) co(n)q(ui)s. no sai q(ue) uos e(n) me(n)ta. q(ue) de res no soi fis. mas greu er q(uem) repenta. p(er) una uetz q(uem) dis. q(ue) bos homs sa fortis. el maluatz sespauenta. |
 |
| Dona q(ue) cuiatz faire de mi q(ue)us am (ta(n))[1]. p(er) q(uem) faitz ta(n) maltraire ni murir deziran. a franca de bo(n) aire. fetssetz mu(n) bel sembla(n). tal don mo(n) cor sesclaire. pel mal q(ue) trac tan gra(n). e noi dei au(er) dan. car no men puesc estraire. [1] Aggiunto in interlinea.
|
 |
| De donas mes uei- aire. q(ue) gra(n) falhime(n) fan. de so car no son gaire. amat li fin- aman. mas yeu no(n) dei retraire. mais so quelas uolran. ta(n) greu mes q(ue) trichaire. aia ioi ab enian. o pus o atrestan. co(m)z sel q(ue)s fis amaire. |
 |
| Si no fos gen uilana. e lauze(n)gier sauay. yeu agramor s(er)tana. mas nome(n) recreirai. de solas me(n)s humana. ca(n)t locx es ni seschai. p(er) q(ue) cre q(ue) es mana. e q(ue)nq(ue)r naurai mai. castrucx soiorne gay. el malastrucx sa fana. |
 |
| Selh soi q(ue) no soana. los bes q(ui) dieus me fay. q(ue)n eysa la semana. ca(n)t ieu parti de lay. me ditz e(n) razo plana. q(ue) mos chantars li play. tota ge(n) crestiana. q(ue) es de sotz lo ray. uolg(ra) ges ta(n) de iay. co(m)z ieu ses fe(n)cha uana. |