| I | I |
| Gent estera que chantes samon conort abel is mas eu non cre quem grazis res quel dires nil mandes. car trop nai fait lonc estatge de ueser lo sieu cors gen. auinen edagradatge. elair men si deus ben do pel meu dan epel seu pro. |
Gent estera que chantes, s’a Mon Conort abelis, mas eu non cre que·m grazis res que·l dires ni·l mandes, car trop n’ai fait lonc estatge de veser lo sieu cors gen avinen e d’agradatge; e lair m’en, si Deus ben do, pel meu dan e pel seu pro. |
| II | II |
| Mas fals lausengiers engres. man luynat de son pais. que tals sen fan esdeuins. quen cugera quens celes. sins saubes ams dun coratge. ecar medon espauen. uau quere(n) cubert ui atge p(er)on uenges alairo. denan leis ses mal reso |
Mas fals lausengiers engres m’an luynat de son pais, que tals s’en fan esdevins que·n cugera que·ns celes si·ns saubes ams d’un coratge. E car me don espaven, vau queren cubert viatge, per on venges a lairo denan leis, ses mal reso. |
| III | III |
| Car nopariaames. nulhom que damor saizis. car p(er)celar es hom fis. en estai deioy plus pres. donc seu enpren bon usatge midons caualor esen. prec mesmen. dins son ostatge lafan ca(n) ueira sazo enoy gart dreit nirazo. |
Car no paria, ames nulh om que d’amor s’aizis, car per celar es hom fis e·n estai de ioy plus pres. Donc, s’eu en pren bon usatge, midons, c’a valor e sen, prec m’esmen dins son ostatge l’afan, can veira sazo, e no y gart dreit ni razo. |
| IV | IV |
| Esil plasiam tornes. alsieu honrat paradis. ia noscug quieu men partis. ans muer can noi son ades. dieu cant aurai ua ssalagte. que denan leis me presen. trop maten en uolpillat ge. car no sap sai tort ono. p(er) qua dreg q(ue)m ocaiso. |
E si·l plasia, ·m tornes al sieu honrat paradis, ia no·s cug qu’ieu m’en partis; ans muer can no i son ades! Dieu! Cant aurai vassalagte que denan leis me presen? Trop m’aten en volpillatge, car no sap, s’ai tort o no, per qu’a dreg que·m ocaiso. |
| V | V |
| Donal gens(er) canc nasques. elamieler. q(ue)u anc uis. mas iun tas estau aclis. aginoillos et en pes. el uostre franc seinoratie ecar medes p(er) presen. franchamen. i. cortes gatge. mas nous aus dire cal fo. cadous me uostra preso. |
Dona, ·l genser c’anc nasques e la mieler qu’eu anc vis, mas iuntas estau aclis, a ginoillos et en pes, el vostre franc seinoratie, e car me des per presen franchamen un cortes gatge (mas no·us aus dire cal fo) c’adous me vostra preso. |
| VI | VI |
| Dona uos am finamen. francamen debon coratge. e p(er) uostro(m) merazo. quim demanda dequiso. |
|