 |
Bernartz deuentedorn. A Tantas bonas chanssos. Etant bon mot aurai faich. Don ia nom mesera em plaich. Dompna sieu saubes de uos. Q(ue) fossetz uas mi tant dura. Aras sai qieus ai p(er)duda. Mas siuals nous metz tolguda. En la mia forfaitura. Vers es q(ue)maintas sazos. Mera ben dich eretraich. Q(ue) mestera mal elaich. cames (et) amatz non fos. Mas lai on amors satu- ra. Es greu sobrada euencuda. Si son co- ratge nomuda. o aillors no met sa cura. |
 |
Mas era sui tant ioios. Q(ue) nom souen del maltraich. Dira edesmai matraich. Ab sos bels huoills amoros. Deqem poizona em faitura. Cill q(ue) ma ioia renduda. Canc puois qieu laigui ueguda. Non agui sen ni mesura. Mout i fetz amors que pros. Car tant ric ioi ma atraich. Tot cant mauia forfaich. Ual ben aqest guizerdos. Aisil fenis ma rancura. Q(ue) saualor esaiuda Mes a tal cuita uenguda. Totz sos tortz i adreitura. Qui ue sas bellas faissos. Ab q(ue) ma uers si atraich. Pot ben saber atrasaich. Qe sos cors es bels ebos. E blancs sotz la ue- stidura. Eu nono dic mas p(er) cuida. Q(ue) la neus qand ill es nuda. Par uas liei bruna et escura. Dompna sil fals enoios. Qui maint ioi entier ant fraich. Si metion en agaich. P(er) saber cum es de nos. P(er) dich dauol gen tafura. Non estetz ies es- p(er)duda. Que ia p(er) mi ner saubuda. la mors ben siatz segura. |