 |
| bernartz del uentador. Eram co(s)seilhatz[1] segnior. uos cauetz saber esen. una domna(m) det samor. qai amada loniamen. mas ara (s)ai[2] en uertat. qil ha altramic priuat. (et) anc de nuil compainhon compaignha tan greus nom fon. |
 |
| Cella uol amador ma domneu non lo defen. e lais lo mais p(er) paor. qe p(er) autre chauzimen. e sanc hom dec auer grat. de nul seruizi forzat[3]. ben dei auer gazardon. ieu qe tant grant tort p(er)don. |
 |
| Del aiga qieu dels oils plor. escriu salutz mais de cen. qieu tramet a la genzor. (et) a la plus auinen. maintas ues mes pueis membrat. lamors qem fes al com(u)iat[4]. qiel ui cubrir sa faizon. e nom poc dir oc ne no(n). |
 |
| Li sieu bel oil traidor. qe mez garda uon tan gen. e sai si gardon ailhor. mout i fan gran fallimen. mas daitan man ben honrat. qe seron (mil)[5] aiostat. mais gardon lai on ieu son. qe a totz cels denuiron. |
 |
| Pos uoutz son a la folor. ben serai fols sieu non pren. daquetz dos mals lo menor. qe mais ual mon ecien. auer en lieis lame(i)tat[6]. qe tot p(er) dre p(er) foudat. qe anc anuil drut fellon damar. non ui far son pron. |
 |
| Duna res son en error. (et) estau en pensamen. qe loing aurei ma dolor. si eu aqest plait li consen. e sieu li dic mon pensar teinh me p(er) deseretat damor. (et) ia dieus nom dom pueis faire uers ni chanzon. |
 |
| Car sieu lam a desonor. esqerns (et) a tota gen. e tenran men li pluz or. p(er) cornut (et) p(er) sufren. e sai si p(er)t mamistat. uens da(m)pna tge doblat. cal qen fasso cal qe non. (r)es[7] nomen pot tener pron. |