 |
| Anc no gardei sazo nimes ni can flor par ni can sesco(n) nil erba nais delonc la fon. mas en cal coras mauengues. damor us rics iauzimens. tan meson bels comenssamens. qui eu cre ca quel tems seinhorei. |
 |
| Ben lagra p(er) fol quim dires. tro aras quen son tan prion. q(ue)iam tenguei tan desiron. amors q(ue)u morir en poges. mas eras sent es oy sabens. q(ue) totz autres mals son niens. uas lodesir ab pauc desplei. |
 |
| A tan doucetamen mepres. la bela quim ten iausion. que ieu nom pusc sab(er) uas on. remais tam ben amar pogues. car on plus lesgar pus me uens. samors em dobla mos talens. on eu mais da utras domnas uei. |
 |
| Depus anc laui maconques. perque noler gen sim coffon. car uuil mais p(er)drels huils del fron. qui eu ia ren faza caleis pes. dai tan com poiran essiens. no uuil qui sia adiramens. q(ue) dieus aia fait demi rei. |
 |
| Totas gens ditz queuianes. es lameillor terra del mon. elas meillors domnas i son. doncs sabon tuit caizo uers es. caicestas son las plus ualens. emidons que totas las uens. es la meillor que el mon sen. |