Tu sei qui

Revisione di Edizione diplomatica del Mer, 18/12/2019 - 18:11

  Bernartz de uentedorn.
AB ioi mou lo uers el comens. (et)

ab ioi reman efenis. e sol que bona fos
la fis. bos cre qer lo comenssamens. per
la bona comenssanssa. Mi uen iois et
alegranssa. ep(er)so dei la bona fin grazir.
car totz bons faitz uei lauzar al fenir.

Si mapodera iois em uens. Merauil-
las fauc car soffris. Q(ue) non chan enon
esbruis. cella don sui gais e iauzens.
mas greu ueiretz finamanssa. Ses paor
e ses doptanssa. cades tem hom uas so
cama faillir. p(er) qieu nomaus de prei
ar en ardir.

Ben estai a dompna ardimens. entra-
uols gens emals uezis. car sarditz
cors no la fortis. greu pot esser pros ni
ualens. p(er) qieul prec naia me(m)branssa.
la bella en cui ai fianssa. Q(ue) nois camie
p(er) paraulas nis uir. Qenemics qai faz
denueia morir.

Non es enois ni faillimens. ni uila-
nia somes uis. Mas dome qan se fai
de uis. datrui amor ni conoissens. eno
ios eqeus enanssa. car faitz enoi epe-
sanssa. chascus se deu de son mestier
formir. Mi confondetz e uos non uei
gauzir.

Duna ren maonda mos sens. Qanc
nuills hom mon ioi nomenquis. Q(ue)u
uolontiers nolen mentis. car no(m) par

bos enseignamens. anz es foillia (et)
enfanssa. Qui damor a benananssa
nin uol son cor ad autre descobrir. Si
no len pot o ualer o seruir.

Anc sa bella bocha rizens. non cuiei
baisan me trahis. car ab un doutz
baisar maucis. Si ab autre no mes
guirens. catretal mes p(er) semblansa.
cum de pelahus la lanssa. Q(ue) del sieu
colp non podia hom guerir. Si autra
uetz no sen fezes ferir.

Bella dompna uostre corsgens. ell
uostre beill huoill mant conquis. ell
beill esgart elo clars uis. el uostre
bons enseignamens. Q(ue) qan be men
pren esmanssa. de beutat nous trob
eganssa. la gensser etz del mon al
mieu albir. o noi uei clar dels oills
ab qeus remir.

Bels uezers senes doptanssa. Sai q(ue)l
uostre pretz auanssa. Q(ue) tans sabetz
de plazers far e dir. de uos amar nois
pot nuills hom sofrir.