 |
| bernartz del uentador. Lo temps uai e uen esuire. P(er) iorns p(er) mes e p(er) ans (et) eulas nosai qe dire. qades es us mos talans. ades es us e nos muda qu non uoil e nai uolguda. don anc no(n) agui iauzimen. |
 |
| Pois ella non pert lo rire. aminue(n) e dols edanz. qaital ioc ma fait assire. dont ai lo peior dos tanz. e tals amors es p(er)duda. qes duna part mantenguda. tro qe(m) fai acordamen. |
 |
| ben d(e)uri esser blasmaire. de mi meteis p(er) rason. canc no(n) nasqet cel de maire. qi tant seruis en p(er)don. ecilla no me(n) chast(i)a. ades dobla ]la[ railfolia. qe fols non tem tro qe pren. |
 |
| Iamai non serai chantaire. ni de lescola neblo. pos mos chantars nom ual gaire. ni mas uoltas ni mei so. ni re(n) qeu fassa ni dia. no(n) conosc q(ue) pro me sia. ni noi uei meilluramen. |
 |
| Se tot fas de ioi paruenza molt ai dinz lo cor irat. qi uianc mais penedenza. faire denant lo pecchat. on pl(us) la p(re)c pl(us) mes dura. mas si embreu no meillura. uengut der al partimen. |
 |
| Pero ben es qella uenza. a tota sa uolontat. e cil a tort obistenza. ades naura pietat. car zo mostra lescriptura qus aiz de bonauentura. ual us sol iornz mais de cen. |
 |
| Ia nom partrai ama uida. tant qo(m) sia sals ni (s)anz. qe pos larmaner issida. balaia totz temps lo gra(n)z. e se tot no(n) ses coitada. ia p(er) me non er blasmada sol der adena(n) ses men |
 |
| Ai bona amor ecomplida. cors ben faitz deliatz e planz. ai fresca cara colorida. cui dieus formet de sos manz totz temps uos ai desirada. qe ren als nom agrada. daltra amor no(n) ai nien. |
 |
| Dolza res ben ensegnada. cel qius a tan gent formada. me don cel ioi qeu naten. |