| La comtessa de dia Estat ai engreu cossirier. p(er) un cauallier quai agut, Eu uoil sia totz temps saubut. Cu(m) eu lai amat a sobrier. Ara uei qieu sui trahida. Car eu non li donei mamor. Don ai estat engran error, En lieig eqand sui uestida. Ben uolria mon cauallier. Tener un ser emos bratz nut. Qel sen ten gra p(er) ereubut. Sol qalui sezes cosseilli er. Car plus men sui abellida. Nofetz floris deblanchaflor. Eu lautrei mo(n) cor emamor. Mom sen mos huoills emauida. Bels amics auinens ebos. Coiaus tenrai emon poder. Eque iagues ab uos un ser. Eqeus des un bais amoios. Sapchatz gran talan nauria. Qeus tengues enluoc delmarit. Ab so que maguessetz pleuit. Defar tot so q(ei)u uolria. |