| I | I |
|
|
Can par la flor iusta·l vert foill e vei lo tenps clar e sere aug lo douç chan des auçels pels broill m’adouça mon cor e·m reve, pos l’auçel chanton a lor for, eu, c’ai plus de ioi en mon cor, dei ben chantar, car tut li mei iornal son ioi e chan, qu’eu no pens de ren al. |
| II | II |
| CElla del mon queçieu plus uoil. Eplus am decor edefe. Aus de ioi mos diç elç acu eill. Emos precs escute rete. Esi hom per ben amar mor. Eu en morai car en mon cor. Liport amor tan fine natu ral. Que tut son fals uas m i li plus lial. |
Cella del mon queç ieu plus voil e plus am de cor e de fe, aus de ioi mos diç e·lç acueill e mos precs escut’e rete. E si hom per ben amar mor, eu en morai, car en mon cor, li port amor tan fin’e natural que tut son fals vas mi li plus lial. |
| III | III |
| TAl nia que an mais dorgoill. Ca grans bens egranç iois lur ue. Mas ieu sui demillor es cueill. Eplus francs cant di eus mifaibe. Cora queu fos damor alor. Dellor son deue(n) gut alcor. Merce midonç noi trop par ni egal. Tot ai tan uoil sol que lei dieus misal. |
Tal n’i a que an mais d’orgoill, c’a grans bens e granç iois lur ve; mas ieu sui de millor escueill e plus francs, cant Dieus mi fai be. C’ora qu’eu fos d’amor a l’or, de ll’or son devengut al cor, merce, midonç! no·i trop par ni egal. Tot aitan voil, sol que lei Dieus mi sal! |
| IV | IV |
| BEn sai lanueg can mides pu oil. Ellieg queu no dormi rai re. Lodor mir pert car iel mi tueil. Per uos domna don mi soue. Quella hon ho m ason te(n)sor. Uolom ades tener son cor. Can uos non uei domna don plus me cal. Negun ueçer mon bon pen sar no ual. |
Ben sai la nueg, can mi despuoil, el lieg qu’eu no dormirai re. Lo dormir pert, car ie·l mi tueil per vos, domna, don mi sove; que lla hon hom a son tensor, vol om ades tener son cor. Can vos non vei, domna, don plus me cal, negun veçer mon bon pensar no val. |
| V | V |
| CAn mi menbra con amar su eil. Lafalsa de mala merce. Beus dic que tal ira ma cu eil. Que per pauc de ioi no(m) recre. Domna per cui chan edemor. Per labocam metes el cor. Un dous baisar defi namorcoral. Quem me ten ioi engiet dira mortal. |
|
| VI | VI |
| DOmna siuos ueçon miei oil. Ben sap chaç que mon cor uo(s) ue. Ies nous doles plus queu midoil. Car sai com uos de streing per me. Esil gillos uos bat defor. Gardaç que no uos batal cor. Sius fai en uei euos lui autre tal. Eia ab uos non gaçain ben per mal. |
Domna, si vos veçon miei oil, ben sapchaç que mon cor vos ve; ies no·us doles plus qu’eu mi doil, car sai c’om vos destreing per me. E si·l gillos vos bat de for, gardaç que no vos bat’al cor. Si·us fai envei, e vos lui autretal, e ia ab vos non gaçain ben per mal! |
| VII | VII |
| Mon bel uezer gard dieus dir edemal Seu sui deloing ede pres autretal |
Mon Bel Vezer gard Dieus d’ir’e de mal, s’eu sui de loing e de pres autretal. |