| I | |
|
Dun siruentes nom cal far loig |
D'un Sirventes no-m cal far loignor ganda tal talan ai que-l diga e qe-l espanda car n'ai razon tant novella e tant granda del ioven rei q'a fenit sa demanda sos frair Richartz pois sos pairel comanda tant es forsatz pois n'ai Merics terra non ten nimanda sia reis dels maluatz |
| II | |
| Que maluatz fai car aissi uiu aranda. deluirazon a comte (et) agaranda. Reis coronatz que dautrui pren liuranda. Mal sembla arnaut lo marques debe landa. Nil pro guillem que conquis tost mirmanda. tant son presatz. pos enpeitau lor ment elor truanda. noi er mais tant amatz. |
Que maluatz fai car aissi viu aranda de lui razon a comte et a garanda reis coronatz que d'autrui pren liuranda mal sembla Arnaut lo marques de Belanda ni-l pro Guillem que conquis Tost Mirmanda tant son presatz pos en Peitau lor ment e lor truanda no-i er mais tant amatz |
| III | |
| Ia p(er)dormir non er decoberlanda. reis dels engles ni conqerra yrlanda. ni tenra angieus ni monsaurel ni gan da.ni depeiteus non aura lamiran- da.ni fera ducs delaterra normanda. ni coms palaitz. ni debordels ni deis gascos part landa. Seigner ni deba satz. |
La per dormir non er de Coberlanda reis dels Engles ni conquerra Yrlanda ni tenra Angieus ni Monsaurel ni Ganda ni de Peiteus non avra la miranda ni fera ducs de la terra normanda ni coms palaitz ni de Bordels ni deis Gascos part Landa seigner ni de Basatz |
| IV | |
| Conseill uuoill dar el son den ala manda. Lai an richart sitot nolom demanda. Ja p(er)son frair mais sos ho mes non blanda. non cais fai el anz asetga els aranda. tol los chastels e derroca et abranda. deuas toz latz. El reis tornei lai ab cels de gui<s>lan da. Elautre los coignatz |
Conseill vuoill dar el son de n'Alamanda lai an Richart si tot no lo-m demanda ja per son frair mais sos homes non blanda non cais fai el anz asetga esl aranda tol los chastels e derroca et abranda devas toz latz el Reis tornei l'ai ab cels de Guislanda el autre los coignatz |
| V | |
| Lo coms iaufres cui es bersilianda. volgra fos primiers natz. Car es cor- tes efos ensa comanda. Regesmes el duchatz. |
Lo coms Jaufres cui es Bersilianda volgra sos primiers natz car es cortes e sos en sa comanda reges mes el duchatz |