| Versione di C | Edizione interpretativa |
| I | I |
| Pus de chantar m’es pres talenz farai un vers don suy dolens; no serai mais obediens de Peytau ni de Lemozi. |
Pus de chantar m’es pres talenz farai un vers don suy dolens; no serai mais obediens de Peytau ni de Lemozi. |
| II | II |
| Pus lo partirs m’es aitan greus del senhoratge de Peytieus; es garda lai Falco d’Angieus tota ma terra e mon cozi. |
Pus lo partirs m’es aitan greus del senhoratge de Peytieus; es garda lai Falco d’Angieus tota ma terra e mon cozi. |
| III | III |
| Si Falco d’Angieus no·lh secor e·l reys de cuy ieu tenc m'onor, mal li faran tug li pluzor que·l veyran ioven et meschi. |
Si Falco d’Angieus no·lh secor e·l reys de cuy ieu tenc m'onor, mal li faran tug li pluzor que·l veyran ioven et meschi. |
| IV | IV |
| Ieu m’en anaray en eyssilh, laissarai en guerra mo filh en gran paor et en perilh e faran li mal siey vezi. |
Ieu m’en anaray en eyssilh, laissarai en guerra mo filh en gran paor et en perilh e faran li mal siey vezi. |
| V | V |
| Si molt non es savis e pros guays e vezis et artillos tost l’auran abayssat en ios fello guasco et Angeui. |
Si molt non es savis e pros guays e vezis et artillos tost l’auran abayssat en ios fello guasco et Angeui. |
| VI | VI |
| De proeza e de valor suy mas ara nos partem abduy et ieu vauc m’en lay a seluy on merce clamon pellegri. |
De proeza e de valor suy mas ara nos partem abduy et ieu vauc m’en lay a seluy on merce clamon pellegri. |
| VII | VII |
| Aissi lays tot quant amar suelh: cavalairia et orguelh; e vauc m’en lai ses tot destuelh on li peccador penran fi. |
Aissi lays tot quant amar suelh: cavalairia et orguelh; e vauc m’en lai ses tot destuelh on li peccador penran fi. |
| VIII | VIII |
| Merce quier a mon companho s’an li fis tort que lo·m perdo, et ieu prec ne Ihezus del tro et en romans et en lati. |
Merce quier a mon companho s’an li fis tort que lo·m perdo, et ieu prec ne Ihezus del tro et en romans et en lati. |
| IX | IX |
| Mos enemicx prec a la mort que sion metge mon cofort, qu’ancse amey ioc e deport luenh de me et en mon aizi. |
Mos enemicx prec a la mort que sion metge mon cofort, qu’ancse amey ioc e deport luenh de me et en mon aizi. |
| X | X |
| Aissi gurpisc ioy e deport e var e gris e sembeli. |
Aissi gurpisc ioy e deport e var e gris e sembeli. |