| Subarchetipo I, K | Edizione interpretativa di I |
| I | I |
| Puois de chantar m'es pres talenz farai un vers don sui dolenz; mas non serai obedienz en Pitau ni en Lemozi. |
Puois de chantar m'es pres talenz farai un vers don sui dolenz; mas non serai obedienz en Pitau ni en Lemozi. |
| II | II |
| Qu'era m'en irai en eissil en gran paor et en peril, en guerra laissarai mon fill e faran mal siei vezi. |
Qu'era m'en irai en eissil en gran paor et en peril, en guerra laissarai mon fill e faran mal siei vezi. |
| III | III |
| Lo departir m'es aitan grieus del seingnorage de Peitieus; en garda de Folcon d'Angieus lais la terra e son cosi. |
Lo departir m'es aitan grieus del seingnorage de Peitieus; en garda de Folcon d'Angieus lais la terra e son cosi. |
| IV | IV |
| Si Fol[c]os d'Angieus no·l socor e·l reis de cui ieu tenc m'onor, faran li mal tut li plusor fellon Gascon et Angevi. |
Si Foltos d'Angieus no·l socor e·l reis de cui ieu tenc m'onor, faran li mal tut li plusor fellon Gascon et Angevi. |
| V | V |
| Si ben non es savis ni pros quant eu serai partitz de vos, viatz l'auran tornat en ios car lo veiran iove mesqui. |
Si ben non es savis ni pros quant eu serai partitz de vos, viatz l'auran tornat en ios car lo veiran iove mesqui. |
| VI | VI |
| Per merce prec mon compaingnon, s'anc li fi tort, qu'il mo perdo, et il prec en Iezu del tro en romans et en son lati. |
Per merce prec mon compaingnon, s'anc li fi tort, qu'il mo perdo, et il prec en Iezu del tro en romans et en son lati. |
| VII | VII |
| De proessa e de ioi fui mas ara partem ambedui et ieu irai m'en a cellui on tut peccador troban fi. |
De proessa e de ioi fui mas ara partem ambedui et ieu irai m'en a cellui on tut peccador troban fi. |
| VIII | VIII |
| Mout ai estat cuedes egais mas Nostre Seingner no·l vol mais; ar non posc plus soffrir lo fais tant sui aprochatz de la fi. |
Mout ai estat cuedes egais mas Nostre Seingner no·l vol mais; ar non posc plus soffrir lo fais tant sui aprochatz de la fi. |
| IX | IX |
| Tot ai guerpit qant amar suoil cavallaria et orgoill e pois dieu platz tot o acuoill e prec lui que·m reteng ab si. |
Tot ai guerpit qant amar suoil cavallaria et orgoill e pois dieu platz tot o acuoill e prec lui que·m reteng ab si. |
| X | X |
| Totz mos amics prec a la mort que il vengan tuit e m'onren fort, qu'eu ai avut ioi e deport loing e pres et a mon aizi. |
Totz mos amics prec a la mort que il vengan tuit e m'onren fort, qu'eu ai avut ioi e deport loing e pres et a mon aizi. |
| XI | XI |
| Aissi guerpisc ioi e deport e vair e gris e senbeli. |
Aissi guerpisc ioi e deport e vair e gris e senbeli. |