| Subarchetipo I, K | Edizione interpretativa di K |
| I | I |
| Puois de chantar m'es pres talenz farai un vers don sui dolenz; mas non serai obedienz en Pitau ni en Limozi. |
Puois de chantar m'es pres talenz farai un vers don sui dolenz; mas non serai obedienz en Pitau ni en Limozi. |
| II | II |
| Qu'era m'en irai en eissil en gran paor et en peril, en guerra lassairai mon fill e faran mal siei vezi. |
Qu'era m'en irai en eissil en gran paor et en peril, en guerra lassairai mon fill e faran mal siei vezi. |
| III | III |
| Lo departirs m'es aitan grieus del seignoratge de Peiteus; en garda de Folcon d'Angieus lais la terra e son cosi. |
Lo departirs m'es aitan grieus del seignoratge de Peiteus; en garda de Folcon d'Angieus lais la terra e son cosi. |
| IV | IV |
| Si Folcos d'Angieus no·l socor e·l reis de cui ieu tenc m'onor, faran li mal tut li plusor felon Gascon et Angevi. |
Si Folcos d'Angieus no·l socor e·l reis de cui ieu tenc m'onor, faran li mal tut li plusor felon Gascon et Angevi. |
| V | V |
| Si ben non es savis ni pros, quant eu serai partiz de vos viaz l'auran tornat en ios car lo veiran iove mesqui. |
Si ben non es savis ni pros, quant eu serai partiz de vos viaz l'auran tornat en ios car lo veiran iove mesqui. |
| VI | VI |
| Per merce prec mon compaignon s'anc li fi tort, qu'il m'o perdo, et il prec en Iezu del tron en romans et en son lati. |
Per merce prec mon compaignon s'anc li fi tort, qu'il m'o perdo, et il prec en Iezu del tron en romans et en son lati. |
| VII | VII |
| De proesa e de ioi fui mais ara partem ambedui, et eu irai m'en a cellui on tut pechador troban fi. |
De proesa e de ioi fui mais ara partem ambedui, et eu irai m'en a cellui on tut pechador troban fi. |
| VIII | VIII |
| Mout ai estat cuendes e gais mas Nostre Seingner no·l vol mais; ar non posc plus soffrir lo fais tant soi aprochatz de la fi. |
Mout ai estat cuendes e gais mas Nostre Seingner no·l vol mais; ar non posc plus soffrir lo fais tant soi aprochatz de la fi. |
| IX | IX |
| Tot ai guerpit quant amar suoill cavalaria et orgoill e puois Dieu platz tot o acuoill e prec lui qe·m reteng'ab se. |
Tot ai guerpit quant amar suoill cavalaria et orgoill e puois Dieu platz tot o acuoill e prec lui qe·m reteng'ab se. |
| X | X |
| Totz mos amics prec a la mort qu'i eill uengan tuit e m'onren fort, qu'ieu ai avut ioi e deport Loing e pres et a mon aizi. |
Totz mos amics prec a la mort qu'i eill uengan tuit e m'onren fort, qu'ieu ai avut ioi e deport Loing e pres et a mon aizi. |
| XI | XI |
| Aissi guerpisc ioi e deport e vair e gris e sembeli. |
Aissi guerpisc ioi e deport e vair e gris e sembeli. |