  |
A R em al freg temps ue(n)gut. quel gels el neus ela fanha. eli auzellet es tan mut. qus de chantar no(n) sa franha. e son sec li ram pels play(s). que flors ni fuelha noy nays. ni rossinhols noy crida. que lan en may me rissida. Tant ai lo cor deceubut. p q(ui)eu suy a totz estranha. er sai que lom a perdut. mout plus tost que nom gazanha. e sieu falh ab motz uerays. daurenga mi moc lesglays. per q(ui)eu nestauc esbayda. e pert solatz en partida. Dompna met mout mal samor quab trop ric home playdeya. ab plus aut de uasuassor. e silh o fay ylh folleya. quar so dizon en uelay. que ges per ricor non uay. e dompna que nes chauzi da. en tenc per enuilanida. Amic ai de gran ualor. q(ue) sobre totz senhoreya. e no(n) a cor tricha dor. uas me que samors mau treya. yeu dic que mamors les chay. e selh que ditz q(ue) no fay. dieus li don mal escarida. quieu men tenh fort p(er) guerida. Belhs amicx de bon talan. suy ab uos totz iorns engatge. cor teza de belh semblan. Sol nom demandetz outratge. tost en ue(n) rem al assay. Quen uostra mer cem metray. uos mauetz la fe pleuida. q(ue) nom dema(n)detz falhida. A dieu coman belh esgar. e pl(us) la ciutat daurenga. e glorietael caslar. e lo senhor de proensa. e tot quan uol mon ben lay. e larc on son fait lassay. selluy perdiey qua ma uida. en serai totz iorns. Ioglar que auetz cor (?) marrida. gay. ues narbona portatz lay. ma chanson ala fenida. lieys cuy ioys e iouens guida. |