 |
Peirols. C Ora que(m) fezes doler. Amors nim dones es- mai. Aram ten iauzen egai. Per quieu cha(n)t amon plazer. Q(ue)u ai plus ric ioi conquis. Cami nos taingna. Ecant ricors sumelia. Hu- melitatz sen requis. M idons mercei egrazis. La benananza quen ai. Eia nou oblidarai. los plazers que(m) fes nim dis. Que mi no(n) a mais poder. Sil camar solia. Quen plus franca seingnoria. Voill ses eni an romaner. Der enan mer atener. Al reprouer com retrai. Nous moua qui ben estai. No(n) farai eu ges p(er) uer. Quil flama camors noiris. Mart la nueg el dia. P(er) queu deueing tota uia. Confai lau rs el foc plus fis. Ben magrada emabellis. De dos amics quant seschai. Que samon de cor uerai. Eluns lau- tre no(n) trais. Esa bon loc e lezer. Gardar ses folia. Que lur bona (com)paingnia. no(n) puesc en- ueios saber. Souen lanera uezer. la plus auinen q(ue)u sai. Sel deuinamenz com fai. Noma uengues a- temer. P(er) so mos cors es aclis. Ves lei on q(ue)u sia. Que finamors ioing elia. Tals qui pa- rt loindans pais. Sera part la crois del ris. Don hom anc no(n) tornet sai. Non creatz quen pogues lai rete- ner nuls paradis. Tant ai assis mon uoler. ema dousa mia. Que senes lei no(n) poiria. Ne- gun autre ioi auer. Chansos oimais pos tener. Vas midonz ta uia. Queu sai ben quella uolria. Tu aussir emi uezer. |