|
De bone amor uient seance (et) biaute (et) amors uient deces .ii. autresi.li troi sont .i. que b(ie)n lai es prouue. ia anul ior ne seront dep(ar)ti.p(ar).i.conseil o(n)t ensenble establi . li core or qui sont auant ale. de mon cuer ont fet lor che min ferre tant lont use ja nen seront parti. |
De bone amor vient seance et biaute et amors vient de ces II autresi. Li troi sont I, que bien l’ai esprovvé; ia a nul ior ne seront departi. Par un conseil ont ensenble establi, li coreor qui sont avant alé: de mon cuer ont fet lor chemin ferré tant l’ont usé ia n’en seront parti. |
|
Li coreor sont lanuit en clarte (et) leior sont por la gent oscurci. li douz regart plesant (et) sauore. lagrant biaute ales biens que ie ui. nest merueilles se ie men esbahi. deli ade(us) le siecle enlumine. car qui auroit leplus biau ior deste. lez liseroit oscur |
Li coreor sont la nuit en clarté et le ior sont por la gent oscurci: li douz regart plesant et savoré, la grant biaute a les biens que ie vi; n’est merveilles se ie m’en esbahi. De li a Deus le siecle enluminé, car qui avroit le plus biau ior d’esté, lez li seroit oscur de plain midi. |
|
En amor a prouece (et) hardement li dui sont troi (et) dutiers son li dui. (et) g(ra)nt ualeur est aceus apendant. ou amors a (et) recet (et) refui. por cest amors li ospitaus dautrui. q(ue) nus ni faut se lonc son auenant. (et) iai failli dame qui uales ta(n)t amon ostel sine saiou iesui |
En amor a prouece et hardement: li dui sont troi et du tiers sont li dui, et grant valeur est ac eus apendant, ou amors a et recet et refui. Por c’est amors li ospitaus d’autrui que nus n’i faut selonc son avenant. Et i ai failli, dame, qui vales tant, a mon ostel, si ne sai ou ie sui. |
|
Or ni a plus fors qali me (con)mant . car tos biens fes ai lessie por ce lui. mabele uie ou mamort iatent. ne sai que cest mes quant deuant li fui. ne mefirent onc sioil point dennui. ainz meuindre(n)t ferir demaintenant p(ar) milecors duu amoros senblant. oncor iest le |
Or n’i a plus fors q’a li me conmant, car tos biens fes ai lessié por celui: ma bele vie ou ma mort i atent, ne sai que c’est, mes quant devant li fui. Ne me firent onc si oil point d’ennui, ainz me vindrent ferir de maintenant par mi le cors duu amoros senblant, oncor i est le coup que ie recui. |
|
Li cous fu g(ra)nt il ne fet q(ue) e poirier. ne nus mires ne men poroit saner. secele non qui le dart fist lan cier. se desani idaignoit adeser. tost en poroit le coup mortel oster o tot le fust dont iai g(ra)nt desirrier. mes la pointe du fer nen puet sachier quele bruisa dedens aucoup doner. |
Li cous fu grant il ne fet qu’ epoirier, ne nus mires ne m’en poroit saner se cele non qui le dart fist lancier. Se de sa ni i daigroit adeser, tost en poroit le coup mortel oster o tot le fust, dont i’ ai grant desirrier; mès la pointe du fer n’en puet sachier, qu’ele bruisa dedens au coup doner. |