| Subarchetipo N, N(bis) | Edizione interpretativa di N |
| I | |
| Pos de chantar m'es pris talenz, farai un vers don sui dolenz; non serai mais hobedienz en Peitau ni en Lemozi. |
Pos de chantar m'es pris talenz, farai un vers don sui dolenz; non serai mais hobedienz en Peitau ni en Lemozi. |
| II | |
| [Q]u'era m'en irei en eissil, en guera laiserei mon fill e·n gran paor et en peirill, e volran li mal sei vezi. |
[Q]u'era m'en irei en eissil, en guera laiserei mon fill e·n gran paor et en peirill, e volran li mal sei vezi. |
| III | |
| [L]o departirs m'es aitan greus del seignoratge de Peiteus; en garda lais Folcon d'Angeus tota la tera son cozi. |
[L]o departirs m'es aitan greus del seignoratge de Peiteus; en garda lais Folcon d'Angeus tota la tera son cozi. |
| IV | |
| [S]i Folco d'Angeus no·ill socor e·l reis de cui eu teig m'onor, guerreiar l'an tut li plusor, felon Gascon et Aniavi. |
[S]i Folco d'Angeus no·ill socor e·l reis de cui eu teig m'onor, guerreiar l'an tut li plusor, felon Gascon et Aniavi. |
| V | |
| [S]i ben mon es savis e pros, quant eu serei pertiz de vos viaz l'aviran tornat en ios quar lo veiran iove mesqui. |
[S]i ben mon es savis e pros, quant eu serei pertiz de vos viaz l'aviran tornat en ios quar lo veiran iove mesqui. |
| VI | |
| [M]erce clam a mo conpaigno, si anc li fi tort, que lo·m perdo; et el prec ne Ihesu del tro en romans et en so lati. |
[M]erce clam a mo conpaigno, si anc li fi tort, que lo·m perdo; et el prec ne Ihesu del tro en romans et en so lati. |
| VII | |
| [D]e proess'e de ioven fui, mas era partem ambedui et [e]uirai m'en a celui on tuit peccador trobon fi |
[D]e proess'e de ioven fui, mas era partem ambedui et virai m'en a celui on tuit peccador trobon fi. |
| VIII | |
| [T]ant ai estat coindes e gais, mas Nostre Seigner no·l vol mais; era non pos sufrir lo fais tant fui ap[ro]zaz de la fi. |
[T]ant ai estat coindes e gais, mas Nostre Seigner no·l vol mais; era non pos sufrir lo fais tant fui apazaz de la fi. |
| IX | |
| [T]ot ai gurpit quant amar soill: cavalaria et orgoill; mas a Deu plaz tot o acoill et el quem reteigna ab si. |
[T]ot ai gurpit quant amar soill: cavalaria et orgoill; mas a Deu plaz tot o acoill et el quem reteigna ab si. |
| X | |
| [T]oz mos amix prec qu'a la mort veignon tuh sai al meu conort, qu'eu ai agut ioi e deport loig e pres et en mon aizi. |
[T]oz mos amix prec qu'a la mort veignon tuh sai al meu conort, qu'eu ai agut ioi e deport loig e pres et en mon aizi. |