Testo Dejeanne 1909
A
Marcabruns si fo gitatz a la porta d'un ric home, ni
anc no·n saup hom qui·l fo ni d'on. E n'Aldrics del
Vilar fetz lo noirir. Apres estet tant ab un trobador, que
avia nom Cercarnon, qu'el comensset a trobar: Et
adoncs el avia nom Panperdut; mas d'aqui enan ac nom
Marcabrun. Et en aquel temps non appellava hom canson;
mas tot quant hom cantava eron vers. E fo mout
cridatz et auzitz pel mon, e doptatz per sa lenga; car el
fo tant mal dizens que a la fin lo desfeiron li castellan
de Guian[a], de cui avia dich mout gran mal.
A
Marcabruns si fo gitatz a la porta d'un ric home, ni
anc no·n saup hom qui·l fo ni d'on. E n'Aldrics del
Vilar fetz lo noirir. Apres estet tant ab un trobador, que
avia nom Cercarnon, qu'el comensset a trobar: Et
adoncs el avia nom Panperdut; mas d'aqui enan ac nom
Marcabrun. Et en aquel temps non appellava hom canson;
mas tot quant hom cantava eron vers. E fo mout
cridatz et auzitz pel mon, e doptatz per sa lenga; car el
fo tant mal dizens que a la fin lo desfeiron li castellan
de Guian[a], de cui avia dich mout gran mal.
K
Marcabruns si fo de Gascoingna, fils d'una paubra
femna que ac nom Marcabruna, si com el dis en son
chantar:
Marcabruns, lo fills na Bruna,
Fo engendraz en tal luna
Qu el saup d'amor cum degruna
– Escoutatz ! –
Que anc non amet neguna,
Ni d'autra no fo amatz.
Trobaire fo dels premiers c'om se recort. De caitivetz
serventes fez e dis mal de las femnas e d'amor.
Marcabruns si fo de Gascoingna, fils d'una paubra
femna que ac nom Marcabruna, si com el dis en son
chantar:
Marcabruns, lo fills na Bruna,
Fo engendraz en tal luna
Qu el saup d'amor cum degruna
– Escoutatz ! –
Que anc non amet neguna,
Ni d'autra no fo amatz.
Trobaire fo dels premiers c'om se recort. De caitivetz
serventes fez e dis mal de las femnas e d'amor.