| bn d(e) uentadorn. Bel mes qeu chant enaiçel mes. can flor e fuila uei parer. eu au lo chan pel broil espes. de rusinol mati e ser. adonc mi par qeu aia iausimen. dun uerais ioi en qe mo(n) cor saten. car eu sai be(n) q(ue) per amor morai. Amor aical honor uos es. ni cal pro uos en pot cader. saucies celui cauetz près q(ue)n uer uos no sausa mouer. laig uos esta car dol de mi nous pren camat aurai en perdon lo(n)iame(n). Plus uei q(ue) preiar ni merce. ni seruir nom pot pro tener. per amor de deu mi feses mi domnu(n) pauc de bo(n) saber. qe gran ben fa un pauc d(e)iausimen. aisil qui traita(n) mal co(m) eu sen. esaisi mor reqere(n) li serai. Grat nagra sil maucies. cadonc nagra fait son plaser. mal seu cors francs et cortes lo g(en)cer com pusca ueser. nagra esglai e peniterasen. ia non creirai no(m) am cubertamen. mas [...]ela se uar me p(er) plan esai. Gran mal ma fait ma bona fes q(u)im degra uas midon ualer ear ai falit emes pres per trop amar e per temer. ar qe farai ailas. cami dolen. catotz autres es de bel acuilime(n). e ami sol dona pene esglai. El mon non es mas una res. per qe gran ioi pogues auer ni daicela no laurai ges. ni daltra nola posc uoler. car per lei ai pretz e ualor esen. en son plus gai ete(n) mon cor pl(us) gen. esil no fos ia nom me ser en plai. |