| Rubrica | |
| Mest(r)e. R(ichart). de semilli |
Mestre Richart de Semilli |
| I | |
| De chanter mest pris corage por latres bele loer ce q(ue) na pas en vsage. mes amors me font chanter qui souuent me font trenbler. limaus damors cest larage. b(ie)n sai sil nema soage jene puis longues durer. |
De chanter m’est pris corage, por la tres bele löer, ce que n’a pas en usage. Mes amors me font chanter, qui souvent me font trenbler: li maus d’amors c’est la rage. Bien sai, s’il ne m’asoage, je ne puis longues durer. |
| II | |
| Amors ieuos faz honmage car ieme puis b(ie)n vanter. que ieaim la plus tres sage dont ioisse onq(ue)s parler. qui plus biau seset port(er) sanz orgueil (et) sanz outrage. na ia por si grant outrage. ne uou dra boban mener. |
Amors je vos faz honmage! Car je me puis bien vanter, que je aim la plus tres sage, dont j’oïsse onques parler; qui plus biau se set porter sanz orgueil et sanz outrage, na ja por si grant outrage ne voudra boban mener. |
| III | |
| Ielai tant lo(n)c lont tens amee. onques nelifis sauoir. ne voudroie que blasmee fu pormoi por nul auoir. car enson pais poruoir nen a nule si loee. quondit quil nest ame nee qui ses amors puisse auoir. |
Je l’ai tant lonc lont tens amee, onques ne li fis savoir! Ne voudroie que blasmee fu por moi por nul avoir, car en son païs, por voir, n’en a nule si loee; qu’on dit qu’il n’est ame nee qui ses amors puisse avoir. |
| IV | |
| Gen pert (et) solaz (et) ioie q(u)ant ie ni puis auenir. quon medit que meuz poroie laroine conuertir. sinesai que deuenir. car siens sui ouq(ue) iesoie ne ia sesamor nest moie neme puet ioie uenir. |
G’en pert et solaz et joie, quant je ni puis avenir qu’on me dit que meuz poroie la roïne convertir! Si ne sai que devenir, car siens sui ou que je soie, ne ja se s’amor n’est moie, ne me puet joie venir. |
| V | |
| Chan con paramors trouuee salue moi la uaillant. (et) se tonchant neli gree dili quele me remant jane seras dite auant mes soies deli amee. tu seras souent cha(n) tee. de fin cuer baut (et) ioiant |
Chançon par amors trouvee, salue moi la vaillant! Et se ton chant ne li gree, di li qu’ele me remant: ja ne seras dite avant, Mes soies de li amee tu seras sovent chantee de fin cuer baut et joiant. |