| A lentrant du douz t(er)mi- ne du mois nouuel. que la flor nest en lespine. et cil oi sel. chantent par mi la gau dine seri et bel. lors me rasaut amors fine dun tres douz mal que ie ne pens al. fors la ou mes cuers sacline. |
I. A l'entrant du douz termine du mois nouvel, que la flor nest en l'espine, et cil oisel chantent par mi la gaudine seri et bel, lors me rasaut amors fine d'un tres douz mal, que je ne pens al fors la ou mes cuers s'acline. |
| Onques autrui non enuie. ne ie nau(ra)i. et se mes cuers si affie. de duel morrai. car trop main greuen- ce vie des max que iai. he las ele nel set mie. ne ie ne sai. se ie iames li dirai bele ne mo ciez mie. |
II. Onques autrui non envie, ne je n'aurai, et se mes cuers si affie de duel morrai, car trop main grevence vie des max que j'ai. He las! ele nel set mie, ne je ne sai, se je jamés li dirai "bele, ne m'ocïez mie". |
| A touz les iors de ma uie. la seruirai. et serai e(n) sa baillie. tant com uiurai. ne ia de sa seignorie ne p(ar)tirai. et se briement ne maie trop grant mal trai. mes gueriz sui se gen ai un biau senblant en ma uie. |
III. A touz les jors de ma vie la servirai et serai en sa baillie tant com vivrai, ne ja de sa seignorie ne partirai; et se briement n'e m'aïe trop grant mal trai, mes gueriz sui se g'en ai un biau senblant en ma vie. |
| Chancon vate(n) sanz nule demorance. el douz pais. ou mes cuers cline et ore. sour et matins. trop mi cort li max sore. dont ie lan guis. dex uerrai ie ia lore qu(n) tres douz ris. puisse auoir de son cler uis qui li mocit et a queure. |
IV. Chançon, va t'en sanz nule demorance el douz païs ou mes cuers cline et ore sour et matins; trop mi cort li max sore dont je languis. Dex! verrai je ja l'ore q'un tres douz ris puisse avoir de son cler vis, qui li m'ocit et aqueure? |