| I | |
|
[A]L dolz nou t(er)mini blanc. Del pascor uei |
Al dolz nou termini blanc del pascor vei la elesta don lo nous temps s'escontenta e la sazos es plus genta e plus avinenz e val mais ben deurion esser plus gais e meiller solaz et a jais. |
| II | |
| [P]Er qem pesa qar me stanc. Qeu ades n(on) pas la festa. Qus sols iorn mi se(m)bla tre(n)ta. Per una p(ro)mesa genta. Don mi sorz tre baillz (et) esglais. E no uoill sia meus doais. Ses la sospeisso(n) de cabrais. |
Per qe·m pesa qar m'estanc q'eu ades non pas la festa q'us sols jorn mi sembla trenta per una promesa genta don mi sorz trebaillz et esglais e no voill sia meus Doais ses la sospeisson de Cabrais. |
| III | |
| [P]Vstellen son oill e cranc. Qe ia mais len amonesta. P(er) sa maluestat dolenta. N olualra messios genta. Ni soiornz ni estar adais. Tan com guerr etrebaill e fais. So sapchal seigner de roais. |
Pustell'en son oill e cranc qe jamais l'en amonesta per sa malvestat dolenta no l valra messios genta ni sojornz ni estar ad ais tan com guerr e trebaill e fais so sapcha l seigner de roais. |
| IV | |
| [N]Ianc noill uic braz ni flanc. Traucat ni camba ni testa. Ferit de plaga dole(n)ta. Ni ab ost ni ab ge(n)ta. Nol uim aroam ni asais. E me(n)brili qom li retrais. qanc en scut lansa no(n) frais. |
Nianc noill vic braz ni flanc traucat ni camba ni testa ferit de plaga dolenta ni ab ost ni ab genta nol vim aroam ni asais e menbrili qom li retrais qanc en scut lansa non frais. |
| V | |
| [G]Verra ses fuoc eses sanc. De rei ni de gran podesta. Cui coms laidis ni desm(en) ta. Non es ges paraula genta. Qel pois se seiorn ni sen grais. Eiouenz cui guerra no pais. Nes deuen leu flacs esauais. |
Guerra ses fuoc e ses sanc de rei ni de gran podesta cui coms laidis ni desmenta non es ges paraula genta q'el pois se sejorn ni s'engrais e jovenz cui guerra no pais n'esdeven leu flacs e savais. |
| VI | |
| [R]Eis defransa eus teig(n) p(er) franc. Qar ho(m) ators nous fai qesta. Ni de guizort nous presenta. Paz ni fin qe sia genta. E uos es laguerra ela pais. E dome(n)tre qom si es las. Non er sos prez fis ni uerais. |
Reis de Fransa e us teign per franc qar hom a Tors no us fai qesta ni de Guizort no us presenta paz ni fin qe sia genta e vos es la guerra e la pais e domentre q'om s'i eslas non er sos prez fis ni verais. |
| VII | |
| [G]Es den oc eno nom planc. Qeu sai ben qen lui no resta. Laguerra ni no sa lenta. Qanc paz ni fis noil fo genta. Ni hom pl(us) uoluntiers no(n) trais. Ni no fez cocha ni asais. Ab pauc de ge(n)te (et) ab gran fais. |
Ges d'en oc e no no m planc q'eu sai ben q'en lui no resta la guerra ni no s'alenta qanc paz ni fis no·il fo genta ni hom plus voluntiers non trais ni no fez cocha ni asais ab pauc de gente et ab gran fais. |
| VIII | |
| [L]O reis phelips ama la pais. Plus qe bos homs de tarantais. |
Lo reis Phelips ama la pais plus qe bos homs de Tarantais. |
| IX | |
| [E]N oc eno uo l guerra mais. Qe no uol negus dels algais. |
En oc e no vol guerra mais qe no vol negus dels algais. |