| I | I |
| Mas la bella de cuj dit. mimezeis tenh. q̍eu uuel e prec (e)tam p bo na fe. no uol nil platz quieu lam nil clam merce. no sai aquem fos mais chantaire. quar del maior afar en q̍eu aten, non esperi plazer ni iauzimen. per[]so no puesc guaya chanso re traire. ter esfortz si la fauc ney |
Mas la bella de cuj mi mezeis tenh, qu’ieu vuel e prec et am per bona fe, no vol ni·l platz qu’ieu l’am ni·l clam merce. No sai a que·m fos mais chantaire, quar, del maior afar en qu’ieu aten, non esperi plazer ni iauzimen; per so no puesc guaya chanso retraire et er esfortz si la fauc ne·y atenh. |
| II | II |
| Quar tot mauci em tre [simb.]atenh. balh em destrenh . selha cui am mil aitans mais que me. e pus li platz quen aissim luenh de se. noi sai cosselh mas un q̅ noy ual guaire. si uol quem laýs de lieys tuelham lo sen. el cor els huelh e pueys partiraimen. si puesc si no fassan ýlh son ueiaj re. quen contra lieys non ai for. |
Quar tot m’auci, e·m trebalh, e·m destrenh selha cui am mil aitans mais que me, e pus li platz qu’enaissi·m luenh de se, no·i sai cosselh, mas un, que no·y val guaire: si vol que·m lays de lieys, tuelha·m lo sen, e·l cor e·ls huelh e pueys partirai m’en, si puesc, si no fassa·n ylh son veiajre, qu’en contra lieys non ai forsa ni genh. |
| III | III |
| Ni re no sai sap mer[simb.]sa ni genh. ce noi atenh. cum puesc esser quieu de lieys aja re. t ab mer ce ni ab als non o cre. que farai doncs liuratz suj amaltraire. e mortz de tot sil bon esper nom ren. en que pauzer mon cor ce ladamen. lai om retenc e suf ferc q̍eu fos laire. dun bel pla zer per q̍eu autra non denh. |
Ni re no sai, s’ap merce no·i atenh, cum puesc’ esser qu’ieu de lieys aja re et ab merce ni ab als non o cre. Que farai doncs? Liuratz suj a maltraire e mortz de tot, si·l bon esper no·m ren, en que pauzet mon cor celadamen, lai o·m retenc e sufferc qu’ieu fos laire d’un bel plazer, per qu’ieu autra non denh. |
| IV | IV |
| Ad honor pus adoncas lo man tenh. de son gen cors e promes mi maint be quan mautreiet samor don nolh soue e sil pla gues nolh fora ges destraire. so que promes per forsa francha men. q̍eu suj de tot a son comā damen. fors que daitan q̅ ges no puesc desfaire. qua des nō lam q̅ uen als noi retenh. |
Ad honor pris, adoncas, lo mantenh de son gen cors e promes mi maint be quan m’autreiet s’amor, don no·lh sove. E si·l plagues, no·lh fora ges d’estraire so que promes per forsa franchamen, qu’ieu suj de tot a son comandamen, fors que d’aitan: que ges no puesc desfaire qu’ades non l’am, que ren als no·i retenh. |
| V | V |
| Equar estauc que ades nom empenh ues suria dieus sap p que maue. que ma domna el reýs engles mi te. lus per amor elautre per pauc faire. del grā secors que mauia en couinen. ges non remanh mas ben iray plus len. quar danar ai bon cor don ges nom uaire q̅ nom de dieu ai leuat entresenh. |
E quar estauc? Que ades no·m empenh ves Suria? Dieus sap per que m’ave: que ma domna e·l reys engles mi te, l’us per amor e l’autre per pauc faire del gran secors que m’avia en covinen. Ges non remanh, mas ben iray plus len, quar d’anar ai bon cor, don ges no·m vaire, qu(e) nom de Dieu ai levat entresenh. |