| I | |
| Ben menueia per saint saluaire. do- me rauc ques fassa chantaire. edau- ol clergue predicare. paubre renouier no(n) pretz gaire. (et) enueiam rossi uieill tro taire. Ericx hom que massa uol traire. |
Ben m’enueia per Saint Salvaire d’ome rauc que·s fassa chantaire e d’avol clergue predicare paubre renovier non pretz gaire et enueia·m rossi vieill trotaire e ricx hom que massa vol traire. |
| II | |
| Et enueiam detot mon se. Conoisens que sa puta pren. edona q(ue) ama siruen. (et) escudiers que ab senhor conten. (et) en- ueiam raubaire manen. edonzelos bar batz abgren. |
Et enueia·m de tot mon se conoisens que sa puta pren e dona que ama sirven. et escudiers que ab senhor conten et enueia·m raubaire manen e donzelos barbatz ab gren. |
| III | |
| Molt menueia si dieus mi uailla. q(a)n me faill pas sobre toailla. qui cadapetit lom tailla. cades mes ueiaire q(ue)m failla. eioues hom ples denuailla. edos depu- ta esa guazailla. |
Molt m’enueia si Dieus mi vailla qan me faill pas sobre toailla qui cada petit lo·m tailla c’ades mes vejaire que·m failla e joves hom ples de nuailla e dos de puta e sa guazailla. |
| IV | |
| Ben menueia capa folrada. q(a)n lapels es ueilla uzada. ecapairo denon orlada. eputa ueilla safranada. (et) enueiam rauba pelada. pos la sains miquels es passada. |
Ben m’enueia capa folrada qan la pels e veilla uzada e capairo de non orlada e puta veilla safranada et enueia·m rauba pelada pos la Sains Miquels es passada. |
| V | |
| Et enueiam tot eisamen. amaizo trop can famolen. Emel ses erbas epimen. equ im promet enomaten. edauol home ei- samen. menueia q(a)r el nonapren. |
Et enueia·m tot eisamen a maizo trop can famolen e mel ses erbas e pimen e qui·m promet e no·m a ten e d’avol home eisamen m’enueia qar el non apren. |
| VI | |
| Et enueiam com delamort. qui dauole za fai conort. (et) enueiam ardaillon tort. (et) enueiam estar aport. quan no puesc passar eplou fort. |
Et enueia·m com de la mort qui d’avoleza fai conort et enueia·m ardaillon tort et enueia·m estar a port quan no puesc passar e plou fort. |