| I | |
| De nouiau mestuet chanter. el tens. que plus sui marriz. quant ne puis mer ci trouer. bien doi chanter a enuiz. ne ie nos ali parler. de ma chancon fas message. que tant est cortois (et) sage. que ne puis aillors penser. |
De noviau m’estuet chanter el tens que plus sui marriz. Quant ne puis merci trover, bien doi chanter a enviz; ne je n’os a li parler. De ma chançon fas message, que tant est cortois et sage que ne puis aillors penser. |
| II | |
| Se ie peusse oublier. sa biau te (et) ses bons dis. et son douz uis esgarder. bien peusse es tris garis. mais nen puis mo(n) cuer oster. espoir sai fait g(ra)nt folage. mais moi lestuet en durer. |
Se je peüsse oublier sa biauté et ses bons dis et son douz vis esgarder, bien peüsse estris garis; mais n’en puis mon cuer oster. Espoir s’ai fait grant folage, mais moi l’estuet endurer. |
| III | |
| Chascuns dit quil muert damer. mais ie nen quier mo rir. melz aim soufrir ma dolor. uiure (et) atendre (et) languir. quele me peut bien merir. mes max (et) ma consiuree. naime pas adroit qui bee. q(ue) len porroit auenir |
Chascuns dit qu’il muert d’amer, mais je n’en quier morir. Melz aim soufrir ma dolor, vivre et atendre et languir, qu’ele me peut bien merir mes max et ma consiuree. N’aime pas a droit qui bee que l’en porroit avenir. |
| IV | |
| Dame quia grant paor. sou uent lestuet esbahir. (et) penser atel folor dont ie ne me puis tenir. sil est au(ost)re plaisir siert bien ma poine sauuee. que seul dela desirree. me fait mo(n) cuer resbaudir. |
Dame, qui a grant paor souvent l’estuet esbahir et penser a tel folor dont je ne me puis tenir. S’il est a vostre plaisir, s’iert bien ma poine sauvee, que seul de la desirree me fait mon cuer resbaudir. |
| V | |
| Nus ne puet grant ioie au oir sil ne rades maus apris. qui touz iors fait son uoloir. apoines ert ia fins amis. por ce fait amors doloir. quele ueut guerredon rendre. ceus qui bien seuent atendre. et seruir a son uoloir. |
Nus ne puet grant joie avoir, s’il ne ra des maus apris. Qui touz jors fait son voloir, a poines ert ja fins amis. Por ce fait Amors doloir, qu’ele veut guerredon rendre ceus qui bien sevent atendre et servir a son voloir. |
| VI | |
| Dame de tout mon pooir. motroi auos sans contendre. que sans uos ne me peut rendre. nus biens ne ne pu et ualoir. |
Dame, de tout mon pooir m’otroi a vos sans contendre, que sans vos ne me peut rendre nus biens ne ne puet valoir. |