| I | |
| GEs de far seruentes nomtarz. Q(e)na(n)z lo faz ses toz affanz. Tant es sotils mos geinz emarz. Qem sai gardar de toz enganz. Esai tant de sort. Qe uec uos mestort. Qeill comte nil rei. Nom forferon rei. |
GEs de far serventes no·m tarz, q’enanz lo faz ses toz affanz, tant es sotils mos geinz e m’arz qe·m sai gardar de toz enganz. E sai tant de sort, qe vec vos m’estort, qe·ill comte ni·l rei no·m forferon rei. |
| II | |
| Puois lo reis richarz. man perdonat lurs mals talanz. jamais naimars ni naicharz. No(n) dontreuas ni talairanz. Niia dauta fort. No(n) laissarai ort. Quis uol men guerrey. Puois auer lo dey. |
Puois lo reis e·l coms Richarz m’an perdonat lurs mals talanz, jamais N’Aimars ni N’Aicharz no·n don trevas ni Talairanz ni ja d’Autafort no·n laissarai ort, qui·s vol m·en guerrei, puois aver lo dei. |
| III | |
| Mos parsoniers es tant gainartz. Qel uol ma terrasos enfanz. Et eu darai len tan suigarz. Puois diran qe mals es bertranz. Tant camaluaz port. Nauran la lor sort. Eu loli autrei. Qals cab mi plaidei. |
Mos parsoniers es tant gainartz, q’el vol ma terra sos enfanz. Et eu darai le·n tan sui garz, puois diran qe mals es Bertranz! Tant c'a malvaz port n’auran la lor sort eu lo li autrei qals c’ab mi plaidei. |
| IV | |
| Puois qe fins es detotas parz. Aminsobra de guerra uns panz. Pustella en luoill qi men parz. puois eu mo comencei enanz. p(er) paz nom conort. Cab guerra ma cort. Q(e)uno(n) tem ni crei negum autra lei. |
Puois qe fins es de totas parz, a mi·n sobra de guerra uns panz: pustella en l'uoill qi me·n parz! Puois eu m'o comencei enanz, per paz no·m conort, c'ab guerra m’acort; q’eu non tem ni crei negun’autra lei. |
| V | |
| Sis uol fassa sos bels essarz. Q(e)umen sui mes toz temps engranz. Com puosca us cairels edarz. Elms (et)aubercs caualnsebrans. Cab ai som conort. Emtenc ade port. Assaut etor nei. Donar edomnei. |
Si·s vol fassa sos bels essarz, q’eu m’en sui mes toz temps en granz com puosca us cairels e darz elms et aubercs cavals e brans, c’ab aiso·m conort e·m tenc a deport assaut e tornei donar e domnei. |
| VI | |
| Eu non gardi lolundi nimarz. Niset ma nas nimes ni anz. Nin lais perabril ni per marz. Q(ue)unon serqe (con) uenga danz. Acels qui man tort. Et iab mi p(er)fort. Non (con)qerran trei. Lo prez dun correj. |
Eu non gardi lo lundi ni marz, ni setmanas, ni mes ni anz, ni·n lais per abril ni per marz qu’eu non serqe con venga danz a cels qui m’an tort. Et i ab mi per fort non conqerran trei lo prez d’un correi. |
| VII | |
| Nomcal cal dauta fort. Mais far dreit ni ni tort. Q(e)l iutgamen crei. De mon seingno(r) lo rei. |
No·m cal cal d’Autafort mais far dreit ni ni tort, q'el jutgamen crei de mon seingnor lo rei. |