| I | |
| S Jeus q(ui)er cosselh belamialama(n)da. Gr de bornelh . nol me uedetz com cochatz lous demanda q(ue)ras ma dig uostra do(m)na trua(n)da.calhons fuy for(s) yssit de sa comanda.pus so q(ue)m de ter mestra em dema(n)da. q(ue) cosse lyat.capauc lo cor dira dins nomabranda.tant fort e(n) soi iratz |
S'ie.us quier cosselh bel'amia Lamanda no.l mi uedetz c'om cochatz lo.us demanda quera m'a dig vostra domna truanda ca lohns fuy fors yssit de sa comanda, pus so que.m deter m'estra e.m demanda. Que cosselyat? C'a pauc lo cor d'ira dins no m'abranda, tant fort en soi iratz. |
| II | |
| Per dieu.Gr.ies aysi tot a randa.uoler damic nos fay ni no(s) guaranda. car si lus falh . lautre coue q(ue) blanda. q(ue) lur destreg no cresca ni sespa(n)da.p(er) o sieus ditz daut pueg q(ue) sia landa.vos o crezats.e plassa vos los bes els mals queus manda.caysi seretz amatz. |
Per Dieu, Gr, ies aysi tot a randa voler d'amic no.s fay ni no.s guaranda, car si l'us falh, l'autre cove que blanda que lur destreg no cresca ni s'espanda, pero sie.us ditz d'aut pueg sia landa, vos o crezats, e plassa vos lo bes e.l mals que.us manda, caysi seretz amatz. |
| III | |
| No(n) puesc sofrir q(ue) co(n)trerguelh no(n) gro(n)da. iasiatz vos do(n)zela beleblo(n)da.pauc diraus notz e pauc ioys uos ao(n)da. mas q(ue) no(n) es premieira ni sego(n)da.mays yeu q(ue) tem del ira que(m) cofo(n)da q(ue) me lauzatz.si tem murir que traga pueys vas lo(n)da.malcug que(m) capdelatz. |
Non puesc sofrir que contr'erguelh non gronda; ia siatz vos donzela bel e blonda, pauc d'ira.us notz e pauc ioys vos aonda, mas que non es primeira ni segonda. Mays yeu que tem del'ira que.m cofonda que me lauzatz, si te.m murir que traga pueys vas l'onda; mal cug que.m capdelatz. |
| IV | |
| Sime(n)q(ue)res daital razo preo(n)da.p(er)dieu Gr. nosay queus mi respo(n)da.p(er)o sieus par cap pauc fos iauzio(n)da.may uuelh pelar mo(n) prat cautrel mi to(n)da.vos selaray del plag far desironda.ial essercatz co(m)sabacor no(n) es duy e(n) sego(n)da ben par q(ue) nes cochatz. |
Si m'enqueres d'aital razo preonda, per Dieu Gr, no sai que.us mi responda pero s'ie.us par cap pauc fos iauzionda, may vuelh pelar mon prat c'autre.l mi tonda, vos selaray del plag far desironda, ial essercatz com s'ab a cor non es duy en segonda ben par que n'es cochazt. |
| V | |
| Donzelauey may no siatz trop parleyra sela matrag.may de.c.vetz premeyra.lauzatz me doncx q(ue) tos temps loy sofieyra.nous cuiaratz.o fezcs p(er) nessieyra.dau tramistat aray talan queus fieyra.conous calatz melhor cos selh dera na berenguiera q(ue) uos no mi donatz. |
Donzela vey may no siatz trop parleyra s'ela m'a trag may de c vetz premeyra. Lauzatz me doncx que tos temps loy sofieyra? Nous cuiaratz o fezcs per nessieyra, d'autr'amistat aray talan que.us fieyra, co no.us calatz, melhor cosa selh dara Na Berenguiera que vos no mi donatz. |
| VI | |
| Lora uey ieu .Gr.q(ue)laus o meyra.car la pelatz ca(m)iairitz ni leugeyra.p(er) o cuiatz q(ue) del plag nous e(n)quieyra.mas ieu no(n) cug q(ue) sia tals sa maineyra.ans et huey mays sa proesa derieira.q(ue) queus diatz si se(n) destrenh ta(n) q(ue) la ia vos q(ui)eira huey may treua ni patz. |
L'ora vey ieu, Gr, qu'ela.us o meyra, car la pelatz camiairitz ni leugeyra, pero cuiatz que del plag no.us en quieyra? Ieu non cug que sia tals sa maineira ans et huey mays sa proesa derieira, que que.us diatz si.s en destrenh tan que la ia vos queira huey may treua ni patz. |
| VII | |
| B Ela p(er) dieu no p(er)da uostraiuda. q(ue) be sabetz come fo(n) co uenguda.sieu ay falhit p(er) lira cay auuda. no(m)zte(n)ga da(n) so se(n)tis caleu muda.cor dom irat amoros sanc fos druda.del patz pessatz. q(ue) be uos dic mort soi si lai p(er)duda. may no loy descobratz |
Bela per Dieu non perda vostr'aiuda, que be sabetz come fon covenguda si.eu ay falhit per l'ira c'ay avuda no.mz tenga dan so sentis ca lau muda cors d'om irat amoros s'anc fos druda del patz pessatz que be vos dic mort soi si l'ai perduda may no loy descobratz |
| VIII | |
| SE[…….] i ana grieu si uolguda.mas elam ditz cadregses yrascuda.cautra(n) pregetz com fol tot assa saupuda.q(ue) no(n) la val ni uestida ni nuda.nofaradoncs si nous giec q(ue) ue(n)cuda.sau tra(n) pregatz.beus e(n) ualray si tot lay ma(n)te(n)guda.sol mays nousi mesclatz. |
Se [.......] ia n'a grieu si volguda, mas ela.m ditz c'a dreg ses yrascuda c'autra.n pregetz com fol tot assa saupuda que non la val ni vestida ni nuda. No fara doncs si no.us gic, que vencuda s'autra.n pregatz be.us en valray si tot l'ay mantenguda sol mays no.us i mesclatz. |
| IX | |
| B Ela p(er)dieu si elancs crezuda. p(er) mi loy afiatz. | Bela per Dieu si el ancs crezuda per mi l'oy afiatz. |
| X | |
| Be(n) o faray.mays can vos erre(n)duda samor no(n) laus tolatz | Ben o faray, mays can vos er renduda s'amor non la.us tolatz. |