| I | |
| Giraut d(e)burnel. S Jus quer con seill bella amiga lamanda. (non) lol mi ue des com cochatz lous de manda . Quiso madis uost r domna truanza.Que loi(n)g son fors issitz desa comanda. Que so quem det mestrai er em des manda.Qium con sei llatz.Ca pauc locor dira totz nomabranda.Tan fort en son iratz. |
S'j.us quer conseill bella Amiga Lamanda non lo.l mi vedes c'om cochatz lo.us demanda qui so m'a dis vostr domna truanza que loins son fors issitiz de sa comanda que so que.m det m'estrai er e.m desmanda qui.m conseillatz? c'a pauc lo cor d'ira totz no m'abranda tan fort en son iratz. |
| II | |
| P Er dieu giraut ies aisi tot arranda .Vol(ers) damic nos fai ninos garanda. Car siluns faill lautre couen que bla(n) da.Que lor destrics non cres ca nises panda.Esellaus dis daut pueg que sia landa.Vos lan crezaz.Eplasa uos loben elmal sil manda.Caisi seres amatz. |
Per Dieu Giraut ies aisi tot arranda volers d'amic no.s fai ni nos garanda car si l'uns faill l'autre coven que blanda que lor destrics non cresca ni s'espanda e s'ella.us dis daut pueg que sia landa vos l'an crezaz e plasa vos lo bes e.l mal s'il manda c'aisi seres amatz |
| III | |
| N On puesc sofrir quen con trorgoil non gronda.Quia est uos donz ella belle blon da.Pauc diraus not(z) epaucs iois uosa onda.Pero noi est pre mieira nisegonda.Mas eu que tem de lira quem co fonda.Con men lauzatz.Tan tem per ir sim trazes plus ues londa.Mal cug quem chan dellacz. |
Non puesc sofrir quen contr'orgoil non gronda quia est vos donzella belle blonda pauc d'ira.us notz e paucs iois vos aonda pero no.i est premieira ni segonda mas eu que tem de l'ira que.m cofonda con men lauzatz tant tem perir si.m trazes plus ves l'onda mal cug quem chan dellacz |
| IV | |
| S Jm em que retz daital razon pre onda. Per dieu giraut non sai queus miresponda. Pero sius par cab pauc fos iauz ionda.Mais uoil pelar mon prat cautre lom tonda. Mas sil er oi del plag far de zironda.vos ensercatz.Con son bon cor nous es dui nius resconda.Ben par con nest cochatz. |
Sj m'emqueretz d'aital razon preonda per Dieu Giraut non sai que.us mi responda pero si.us par c'au pauc fos iauzionda mais voil pelar mon prat c'autre lo.m tonda mas s'il er oi del plag far dezironda vos ensercatz con son bon cor no.us esdui nius resconda ben par con n'est cochatz. |
| V | |
| D Onzella omais non sias trop parliera.Quil mamen tit mais de.V.ues premiera.Cu ia uos doncs que tos temp(s) losofieira.Semblaria cofez es per nessieira.Dautra mi stat etaitalan queus fie tra. Sinous callaez.Meillor con seill donet naberrengueira. Que uos nomidonatz. |
Donzella omais non sias trop parliera qu'il m'a mentit mais de .V. ves premiera cuia vos doncs que tos temps lo sofieira semblaria co fezes per nessieira d'autr'amistat etai talan que.us fie tra si no.us callaez meillor conseill donte Na Berrenguiera que vos no mi donatz. |
| VI | |
| L Ora ueg eu giraut quellau(s) omierra.Car lapellast cami arris nileugierra.Per so cuiatz que del plag uos en queira.Mas eu non cre que sia tan man(i)eira.Anz er oi mais sapromessa derrierra. Que quen digatz.Siiaus destring tant quei a uos so fierra.Trega nifis nipacz. |
Lora veg eu Giraut qu'ella.us o mierra car l'apellast camiarris ni leugierra perso cuiatz que del plag vos enqueira mas eu non cre que sia tan manieira anz er oimais sa promessa derierra que quen digatz si iaus destring tant quei a vos sofierra trega ni fis ni pacz. |
| VII | |
| B Ella per dieu non per dauo stra iuda.Sieu mai faillit p(er) lira cai auuda.Nom tenigna uan.Sanc santist can leumu da.Cor damador bella esanc fos .druta.Del plag pensatz. Quen ues uos dic morcz soi silaiperduda.Mas non lo des cubracz. |
Bella per Dieu non perda vostr'aiuda s'ieu mai faillit per l'ira c'ai avuda no.m tenigna dan s'anc sentist can leu muda cor d'amador bella e s'anc fos druta del plag pensatz q'en ves vos dic morcs soi si l'ai perduda mas non lo descubraz. |
| VIII | |
| S Eingnen giraut ianagrieu fin uolguda.Mas ellamdiz cadreg ses irascuda.Cautra preiest con folz tot asaubu da.Que nonlaual niuesti da ninuda.Non fora doncs si nous gic uencuda.Beus enualrai et ailaus manten guda.Simais nous imes chatz. |
Seign'En Giraut ia n'agr'ieu fin volguda mas ella.m diz c'a dreg s'es irascuda c'autra preiest con folz tot a saubuda que non la val ni vestida ni nuda non fora doncs si no.us gic vencuda be.us en valrai et ai la.us mantenguda si mais no.us i meschatz. |
| IX | |
| B Ella per dieu sid ella nes cre zuda.Per miloafizatz. |
Bella per Dieu si d'ella n'es crezuda per mi l'o afizatz. |
| X | |
| B En ofarai mascan vos erren duda.Samor non laus tollatz. |
Ben o farai mas can vos er renduda d'amor non la.us tollatz. |