| I | |
| Girauz de borneil. S ieus quier cosseill bellamiga lemanda . p(er) dieu lom datz com coçatz lous demanda. Que som retrais uostra do(m)p na truanda . que fort son loin eissitz da sa comanda . mas ço quem det mestrai er uim desmanda. Quem cosseil latz . Capauc lo cors dinz dira noma branda. Tan fort en son iratz . |
S'ie.us quier cosseill bell'amiga Lemanda per Dieu lom datz c'om coçatz lo.us demanda Que som retrais vostra dompna truanda que fort son loin eissitz da sa comanda mas ço que.m det m'estrai eruim desmanda que.m cosseillatz? c'a pauc lo cors dinz d'ira no m'abranda tan fort en son iratz |
| II | |
| P er dieu Giraut ges aissi tost ai randa. Volers damic nos nos fai ni nos garanda. Car se lus faill lautre muen qe blanda. Qu nuilz destrics entre lo no sespanda. E selaus diz daut pueg qesia landa. Voslan cre zatz. Eplaza lo bes el mals sil manda. Q(ue)aissi seret amatz. |
Per Dieu Giraut ges aissi tost ai randa volers d'amic nos nos fai ni nos garanda car se lus faill l'autre muen qe blanda qu nuilz destrics entre lo no s'espanda e se laus diz d'aut pueg qe sia landa vos l'an crezatz e plaza lo bes el mals s'il manda que aissi seret amatz. |
| III | |
| C om puesc sofrir qe controrgoill nom gronda. Tot siat uos dou zelle belle blonda. Pauc diraus notz e paucs iois uosa onda . masqe noi ez primeira ni se gonda. Et ieu qe tem dest ira quem (con)fonda.Qe menlauzats. Sim tem perir quem traga trop uas londa . mal cre quem capdellatz . |
Com puesc sofrir qe contr'orgoill no.m gronda tot siat vos douzelle bell e blonda pauc d'ira.us notz e paucs iois vos aonda mas qe noi ez primeira ni segonda et ieu qe temp d'est ira quem confonda qe m'en lauzats si.m tem perir que.m traga trop vas l'onda mal cre que.m capdellatz. |
| IV | |
| S J men qeres daital raz prionda. p(er) dieu guiraut no sai q(ue)men responda . p(er)o sius par cab pauc fos iauzionda. Mai uoill pelar mon prat cautre lom tonda. esiu er oi del plag far desiron da.vos en cercatz.Cu(m) son bo(n) cor uos esdugueus resconda . Ben par com ez cochatz . |
Si men qeres d'aital raz prionda Per Dieu Guiraut no sai que men responda per o si.us par c'ab pauc fos iauzionda mai voill pelar mon prat c'autr lo.m tonda e siu er oi del plag far desironda vos en cercatz cum son bon cor esdugue.us resconda ben par com ez cochatz. |
| V | |
| D onzella mais no siatz trop parleira. plus de cent uez maia mentit primeira. Cu iatz uos donc qi eu oimais loi sufeira. Semblaria qe feres p(er) neceira . Cestamisdatz. er ai telan qeus feira. Se nous callatz . meillor (con)seill donos na Berengueira. Que uos no me donatz . |
Donzella mais no siatz trop parleira plus de cent vez m'aia mentit primeira cuiatz vos donc qi eu oimai loi sufeira semblaria qe feres per neceira cest amisdatz er ai telan qe.us feira se no.us callat meillor conseill donos Na Berengueira que vos no me donatz. |
| VI | |
| L ora uegieu Guiraut q(ue) laus omeira . Car lapellatz cam iaritz ni leugeira. Cuiatz uos donc q(ue) de plag uos enqi ira. Jeu no(n) cug ges qe sia ta(n) maneira. Anz er oimais sa p(ro)messa derreira. Que queus digatz . Se sen destrein tan qe ia uos ufeira.tregas ni fin ni patz . |
lora veg ieu Guiraut que laus o meira car l'apellatz camiaritz ni leugeira cuiatz vos donc que de plag vos enqiera jeu non cug ges qe sia tan maneira derreira que que.us digatz se sen destrein tan qe ia vo sufeira tregas ni fi ni patz |
| VII | |
| B ella p(er) dieu no p(er)da uostra iuda. ar ben sabes com mi fo coue(n) guda . Si eu ai faillit per lira cai a[....]a Nom tenga dan sanc sentis can leu muda. Cor damador bella e sanc fos druda. Del plag pessatz.Car ben sapchatz mortz son si lai p(er)duda. Mas no men descubratz . |
Bella per Dieu no perda vostr'aiuda car ben sabes com mi fo covenguda si eu ai faillit per l'ira c'ai a[....]a no.m tenga dan s'anc sentis can leu muda cor d'amador bella e s'anc fos druda del plag pessatz car ben sapchatz mortz son si l'ai perduda mas no men descubratz. |
| VIII | |
| S Eigner Amics ia nagrieu fin uolguda. Mas ellam ditz ca dreg ses irascuda . Cautram p(re) gues com folz tot asaubuda. qe no ual leis ni uestida ni nuda . Donc si nous gic ben fara q(ue) uencuda . Sautran pre iatz . beus i ualrai sitot lai ma(n) tenguda . Si mais nous i mes clatz. |
Seigner amics ia n'agr'ieu fin volguda mas ella.m ditz c'a dreg ses irascuda c'autra.m pregues com folz tot a saubuda qe no val ni vestida ni nuda donc si no.us gic ben fara que vencuda s'autran preiatz be.us i ualrai si tot l'ai mantenguda si mai no.us i mesclatz. |
| IX | |
| B ella p(er) dieu si de lai nez creuda p(er)me loi autreiatz . |
Bella per Dieu si de l'ai nez creuda per me loi autreiatz |
| X | |
| B Eus i ualrai mas cant uose r ren duda.Samors no(n) laus tollatz . |
Be.us i valrai mas cant vos er erduda s'amors non la.us tollatz. |