| I | |
| Girald de bruneill S Eus quier co(n)seill bella miga lama(n) da . No lom uedez com coicas los demanda. Carar madiz uostra do(m) na truanda. Caillors soi for issiz desa coma(n) da.Qe ço qem det mestrai erem desma(n)da. Quem conseillaz.Capauc lo cors diuz dira nom abranda. Tan fort en soi iraz . |
S'eus quier conseill bell'amiga Lamanda no lo. vedez c'om coicas lo.s demanda car ar m'a diz vostra domna truanda Caillors soi for issiz de sa comanda qe ço qe.m det m'estrai ere.m desmanda que.m conseillaz? c'a pauc lo cors diuz d'ira no.m abranda tan fort en soi iraz. |
| II | |
| PEr deu girat ges aissi tot aranda. Volers damic nos fai ni nos ga randa . Qe lus se faill laltres mestiers qe blanda . Que nuiltz destrics entrels dos no sespanda . Esli uos dic dalt poig q(ue) sialan da . Vos lan crezaz. Eplaza uos lo bes el mals queus manda . Caissi serez amaz. |
Per dieu Girat ges aissi tot a randa, volers d'amic no.s fai ni no.s garanda qe lus se faill l'altres mestiers qe blanda que nuiltz destrics entr'el.s dos no s'espanda es li vos dic dalt poig que sia landa vos l'an crezaz e plaza.vos lo ves el mals que.us manda c'aissi serez amaz. |
| III | |
| No puos mudar qes contro orguioill no(n) gorn da. Ja siaz uos doncella bel eblonda . pa uc diraus no epauic iois uos auonda. E noiez. Ges P(ri)meira ni segonda. Et eu qui rem des na qem cofonda. Vas me lauzaz . Sem sent perirqem traga plus uas londa. Mal citit qem capdelaz. |
Non puos mudar qes contro orguoill non gornda ja siaz vos doncella bel e blonda pauc d'ira.us no e pauc ioi vos auonda e no iez ges primeira ni segonda et eu qui rem des na qe.m cofonda vas me lauzaz se.m sent perir qe.m traga plus vas l'onda mal citit qe.m capdelaz. |
| IV | |
| Simapelaz de tal razo p(ri)onda. Amics gui raut no sai cu(m) uos responda. Vos mi dizez de pauc son iauzionda . anz uoill pelar mo(n) prat cautre lo(n) tonda.Que sios erai de plait far desironda. Vos eçertaz. Com sen bel cors uos esdui esresco(n)da . Be par cu(m) escoitaz. |
Si m'apelaz de tal razo prionda amics Guiraut no sai com vos responda vos mi dizez de pauc son iauzionda anz voill pelar mon prat c'autre lon tonda que si os erai de plait far desironda vos eçercatz com sen bel cors vos esdui es resconda be par cum escoitaz. |
| V | |
| Donzela oi mais nos siaz trop parleira. Ja ma mentit plus de.v.c.uez p(ri)meira. Cu sdaz uos donc qe toz tems lo sofeira. Ja cre riaz co fezes p(er)nezeira . Daltramistat arai talan cos feira . sino calaz . Meillor co(n)se ill deranaberi(n) gueira . que uos nom do naz . |
Donzela oimais no.s siaz trop parleira Ja m'a mentit plus dev.c. vez primeira cus daz vos donc qe toz tems lo sofeira ja creriaz co fezes per nezeira d'altr'amistat arai talan cos feira si no calaz meillor conseill dera Na Beringueira que vos no.m donaz. |
| VI | |
| E nquer ueg eu . G. q(ue) laus omeira .Cala pelez camiar(itz)ni lengueira . p(er)ço cuidaz que del plait uos enqeira . Mas no(n) cuit ges qen sia tan mainera .anz er oimais sa proeza derreira . Qe qem digaz ia tan fai q(ue) (con)tra uo sofeira . treua ni fi ni paz. |
En quer veg eu G que la.us o meira ca l'apelez camiaritz ni lengueira per ço cuidaz que del plait vos enqeira mas non cuit ges qen sia tan mainera anz er oimai sa proeza derreira qe.m digaz ia tan fai que contra vo sofeira treua ni fi ni paz. |
| VII | |
| B ella p(er)deu no(n) p(er)da uostra iuda.seu mai faillit p(er) lira cai aguda. Ja sabez uos com me fo co(n)ue(n)geuda. No(n) ten gua dan sanc saibez cu(m)lei muda .Corsdi mador bella esanc fos druda . Del plait pensaz . Que be uos dic morz foi seu lai p(er)duda . Mas nolo descobraz. |
Bella per Deu non perda vostr'aiuda s'eu m'ai faillit per l'ira c'ai aguda ja sabez vos com me fo convengeuda non tengua dan s'anc sai bez cum lei muda cors di amador bella e s'anc fos druda del plait pensaz que be vos dic morz foi s'eu l'ai perduda mas no lo descobraz. |
| VIII | |
| S Eigner amics ianagreu fin uolguda. Mas elam dic ab dreit ses irascuda. Cal tran p(re)gez cu(m) fols tot asaubuda.Qui non ualgies lei (ni) uestida ni nuda. No fara do(n)c sinos gie que uenguda .her so sapchaz. Beus en ualrai . Mas can uos er renduda Jal a greu captenguda . Simais nos ime selaz . |
Seigner amics ia n'agr'eu fin volguda mas ela.m dic ab dreit ses irascuda c'altra.n pregez cum fols tot a saubuda qui non valgies lei ni vestida ni nuda no fara donc di no.s gie que venguda her so sapchaz be.us en valrai mas can vos er renduda Jal a greu captenguda si mai no.s i mesclaz. |
| IX | |
| B ella p(er)deu si deia nez crezuda . p(er)miloill autreiaz. |
Bella per Deu deia n'ez crezuda per miloill autreiaz |
| X | |
| Ben ofarai sol can uose r renduda . Sa mors nolaus toillaz. |
Ben o farai sol can vos er renduda s'amors no la.us toillaz. |