| I | |
| Girautz deborneill. SIeus qier conseill bella amia alaman da. Nol mi uedetz com cochatz lous de manda. Que somadich uostra dompna truanda. Que loing sui fors issitz desa comanda. Que so qem det mestraier em demanda. Qem cosseillatz. Capau lo cors totz dira nomabranda. tant forts en sui iratz . |
Girautz de Borneill S'ie.us qier conseill, bella amia Alamanda, no.l mi vedetz c'om cochatz lo.us demanda, que so m'a dich vostra dompna truanda que loing sui fors issitz de sa comanda. Que so qe.m cosseillatz? C'a pau lo cors tot d'ira no m'abranda, tant fort en sui iratz. |
| II | |
| Per dieu giraut ies aissitot aranda.vo lers damics nois fai ni nois garanda.q(ue) siluns faill lautre couen q(ue) blanda.Que lors destrics nois creisca ni sespanda.Ese laus ditz daut puoig que sia landa. Vos lan crezatz. Esplassa uos lobes el mals qil manda.caissi seretz amatz. |
Per Dieu Giraut, ies aissi tot a randa volers d'amic no.is fai ni no.is garanda, que si l'uns faill, l'autre coven que blanda que lors destrics no.is creisca ni s'espanda, e s'ela.us ditz d'aut puoig que sia landa, vos l'an crezats, e plassa vos lo bel e.l mals q'il manda, c'aissi seretz amatz. |
| III | |
| Non puoscmudar q(ue) controrguoill nongron da.Ja siatz uos donzella bella eblonda.P auc diraus notz epaucs iois uosa onda. mas ies non etz primieira nisegonda.eu qem tem fort dest ira qem cofonda. Vos me lauzatz.sim sent perir qem tenga p(lus) uas londa.mal cre qem capdellatz. |
Non puosc mudar que cont'orguoill non gronda, ia siatz vos donzella bella e blonda, Pauc dira.us notz e paucs iois vos aonda, mas ies non etz primeira ni segonda. Eu qe.m fort d'est ira qe.m cofonda, vos me lauzatz, si.m sent perir qe.m tenga plus va l'onda, mal cre qe.m capdellatz. |
| IV | |
| Simenqeretz daital razon prionda.p(er)dieu giraut non sai cum uos responda.vos ma pellatz deleu cor iauzionda.mais uuoillpe lar monprat cautrel mi tonda.que siesu era delplaich far desironda. vos escertatz. Cum son bel cors uos enduia eusresconda. Benpar cum netz cortatz. |
Si m'enqeretz d'aital razon prionda, per Dieu Giraut non sai cum vos responda, vos m'apellatz de leu cor iauzionda, mais vuoill pelar mon prat c'autre.l mi tonda, que s'ie.us era del plaich far desironda, vos escercatz cum son bel cors vos enduia eu resconda. Ben par cum tetz coitatz. |
| V | |
| Donzella oimais non siatz tant parlieira. Quil ma mentit mais de cinc uetz p(ri)mei ra.Cuiatz uos doncs qieu totztemps lo so fieira.Semblaria co fezes p(er)netcieira.dautr amistat aitalan qieus enqierra.Si nous cal latz.meillor cosseill daua naberengiera.q(ue) uos nomendonatz. |
Donzella oimais non siatz tant parlieira, qu'il m'a mentit mais de cinc vetz primeira. Cuiatz vos doncs q'ieu totz temps lo sofieira? Semblaria c'o fezes per netcieira, d'autr'amistat ai talan q'ie.us enquierra, si no.us callatz, meillor cosseill dava Na Berengierra que vos no m'en donatz. |
| VI | |
| Lora uei ieu Giraut qellas omeira.carla pelletz camiairitz ni leugieira. pero cuiatz que del plaich uos enqieira.Jeu non cuig ies quil sia tanta maineira.anzer oimais sapromessa derrieira. Que qeus digatz.si iaus destreing tant quae contra uos sofeira. trega nifi nipatz. |
L'ora vei Giraut q'ellas o meira, car l'appelletz camiairitz ni leugieira, pero cuiatz que del plaich vos enqieira? Jeu non cuig ies qu'il sia tanta maineira, anz er oimais sa promessa derrieira, que qe.us digatz, si ia.us destreing tant quae contra vos sofeira trega ni fi ni patz |
| VII | |
| Bella p(er)dieu non p(er)da uostraiuda.Jasabetz uos cum mi fo couenguda.Sieu ai faillit p(er)lira cai aguda.nom tenga dan sanc sentitz cum leu muda.Cors damador bella esanc foz druda.del plaich penssatz. Qieu siu be mort sinaissi lai perduda.mas noillo de scobratz. |
Bella per Dieu non perda votr'aiuda, ja sabetz vos cum mi fo covenguda. S'ieu ai faillit per l'ira c'ai aguda, no.m tenga dan s'anc sentitz cum lei muda cors d'amador bella e s'anc foz druda del plaic penssatz. Q'ieu sui be mort si naissi l'ai perduda, mas no.ill o descobratz. |
| VIII | |
| Seignen Giraut ia nagrieu fin uolguda. mas ella ditz qadreich ses irascuda.cautran preietz cum fols tot asaubuda.Qe non la ual ni uestida ni nuda.Noi fara doncs si nous gic q(ue)uencuda.Beus enualrai.et ai laus manteguda.Si mais nous hi mesclatz. |
Seing'En Giraut in n'agr'ieu fin volguda, mas ella ditz q'a dreich s'es irascuda c'autra.n preietz cum fols tot a saubuda qe non la val ni vestida ni nuda. No.i fara doncs si nou.us gic que vencuda e.us en valrai et ai la.us mantenguda si mais no.us hi mesclatz. |
| IX | |
| Bella per dieu si delai netz crezuda.p(er)mi lo affiatz. |
Bella per Dieu si de lai n'etz crezuda, per mi l'o affiatz. |
| X | |
| Ben o farai.mas qanuos er renduda.samors nolaus toillatz. |
Ben o farai, mas qan vos er renduda s'amors no la.us toillatz |