| Dieus el uostre nom. e de s(an)cta maria. mesuelharay hueymays. mas lestela del dia. uen deus I(erusa)lem q(ue) ensenha quieu dia. estatz sus e leuatz. senhors que dieus amatz. q(ue)l ior(n) es apropchatz. e la nuech te sauia. e sia dieus lauzatz. p(er) uos et adhoratz. el preiuem q(ue)ns don patz. a tota nostra uia. La nueg uay el iorn uen. ab clar cel e sere. mas lalba nos re |
| I |
| Dieus, el vostre nom e de sancta Maria m’esvelharai hueimais, mas l’estela del dia ven daus Ierusalem, que ensenha qu’ieu dia: estatz sus e levatz, senhors que Dieus amatz! que·l jorn es apropchatz e la nuech ten sa via; e sia Dieus lauzatz per vos, e adhoratz, e·l preiuem que·ns don patz a tota nostra via. La nueg vai e·l jorn ve ab clar cel e sere mas l’alba no·s rete ans ve bel’ e complia. |
| Senher dieus q(ue) nasq(ue)s de la v(er)ge maria. p(er) nos guerir de mort. e p(er) restaurar uia. e p(er) destruire fern q(ue)l diable tenia. e fos e(n) crotz leuatz. despinas coronatz. e de fel abeuratz. senher m(er)ce uos cria. aq(ue)st pobles o(n)ratz. q(ue)lh uostra pietatz. ame(n) dieus ay si sia. La nueg uay. |
| II |
| Senher Dieus que nasques de la Verge Maria per nos guerir de mort e per restaurar via e per destruir’ efern que·l diable tenia e fos en crotz levatz de spinas coronatz e de fel abeuratz, Senher, merce vos cria aquest pobles onratz, que·lh vostra pietatz amen, Dieus, aysi sia. La nueg vai. |
| Qui no sap dieu preiar obs es q(ue) o ap re(n)ditz auia quieu diray (et) escot (et) e(n)tenda. dieus q(ue) come(n)samens es. de tota fazenda. laus uos rent e merce. e del be. q(ue) mauetz fag anc se. e prec senher q(ue)us pre(n)da. gra(n) pietat de me. q(ue) nom truep nim malme. ni me(n)gane de re. dyables nim surpre(n)da. la nueg uay. |
| III |
| Qui no sap Dieu prejar obs es que o aprenditz auja qu’ieu dirai et escot et entenda: Dieus que comensamens es de tota fazenda laus vos rent e merce e del be que m’avetz fag ancse; e prec, Senher, que·us prenda gran pietat de me, que no·m truep ni·m malme ni m’engane de re diables ni·m surprenda. La nueg vai. |
| Dieus donatz mi sab(er). esen ab q(ui)eu apre(n)da. uostres sans mandamens. els complis q(ue)ls ente(n)da. el uostra pi etatz. q(ue) geris q(ue) defe(n)da. da q(ue)st segle ô em q(ue) nom trabuc a se car yeus adzor eus cre. senh(er) eus fauc ufre(n)da. de me e de ma fe. cayssistanh es coue. p(er) so uos crit m(er)ce. q(ue) so(s) tors emêda. da. la nueg uay. |
| IV |
| Dieus, donatz mi saber e sen ab qu’ieu aprenda vostres sanhs mandamens e·ls complis que·ls entenda, e·l vostra pietatz, que geris, que defenda d’aquest segle ô em que no·m trabuc a se; car ie·us adzor e·us cre, Senher, e·us fauc ufrenda de me e de ma fe, c’aysi·s tanh e·s cove; per so vos crit merce que sos tors emêda. da. La nueg vai |
| Aq(ue)l gloriosdieu q(ue) so(n) cors det aue(n)da. p(er) totz nos a saluar. prec q(ue)ntre nos este(n)da. lo sieu Sant esp(er)it q(ue) de mal nos defenda. e daytan nos estre. iosta los seus nos me. laysus o(n) si capte. e(n)s meta dins sa tenda. la nueg uay. |
| V |
| Aquel glorios Dieus que son cors det a venda per totz nos a salvar prec qu’entre nos estenda lo sieu Sant Esperit que de mal nos defenda, e d’aitan nos estre josta los seus nos me lai sus on si capte, e·ns meta dins sa tenda. La nueg uay. |